COVID-19 වසංගතය අතරතුර, ඔන්ටාරියෝහි රජය පාසල් වසා දමා තිබියදී නිවසේ සිට ඉගෙනීමේදි දරැවන්ට වැයවන පිරිවැය පියවා ගැනීමට දෙමාපියන්ට මුදල් ලබා දීමට කටයුතු කෙරිණි.දරුවන්ට ඔවුන්ගේ අධ්‍යාපනය අඛන්ඩව පවත්වාගෙන යාමට උපකාර කිරීමේ උත්සාහයක් ලෙස දෙමාපියන්ට ඉගැන්වීම සඳහා ඩොලර් සිය ගණනක් පිරිනමිමරට මෙහිදී කටයුතු කෙරිණි.නමුත් 2020 සිට, එම අරමුදල් වෙත ප්‍රවේශ වීමට නොහැකි වූ බවට දෙමාපියන් සිය ගණනක් පැමිණිලි කර ඇත.
වැඩසටහනේ පළමු පුනරාවර්තන තුන තුළ අයදුම්පත් මිලියන තුනකට වඩා ලැබී ඇති අතර, එහි ප්‍රතිඵලයක් ලෙස ඩොලර් බිලියන 1.1 කට වඩා ගෙවීම් සිදු විය.තොරතුරු දැනගැනීමේ පනත යටතේ කල ඉල්ලීම මගින් ලබාගත් දත්ත පෙන්නුම් කරන්නේ එම පළමු වැඩසටහන් තුනෙන් මුදල් ගියේ කොතැනටද යන්නයි.
අග්‍රාමාත්‍යවරයා 2020 දී පළමු වැඩසටහන නිවේදනය කළේය – පවුල් සඳහා සහය, වයස අවුරුදු 12 සහ ඊට අඩු දරුවෙකු සඳහා ඩොලර් 200 ක් හෝ වයස අවුරුදු 21 ට අඩු විශේෂ අවශ්‍යතා ඇති යැපෙන්නන් සඳහා ඩොලර් 250 ක් සෘජුවම තැන්පත් කිරීමට එහිදි කටයුතු කෙරිණි.මෙම වැඩසටහන සඳහා මාපියන් 2,600 කට වැඩි ප්‍රමාණයක් ඉල්ලුම් කර ඇති අතර, ගෙවීම් වශයෙන් ඩොලර් 548,300 ක් පමණ වැයවිය.
වැඩිම අයදුම්කරුවන් සංඛ්‍යාවක් සිටින ප්‍රදේශය වූයේ Sault Ste ය. Brampton, Toronto සහ Milton හි ප්‍රදේශ වැඩිපුරම ගෙවීම් ලබා ගත් කලාප පහ අතර විය. ඝනත්වය සහ එක් එක් කලාපයේ ළමුන්ගේ සංඛ්යාව මෙයට බලපෑ තිබිණි.
2020 නොවැම්බර් සහ 2021 පෙබරවාරි අතර අයදුම්පත් ඇතුළත් දෙවන ගෙවීම් වටයේදි ඉගෙන ගන්නන් සඳහා සහය වැඩසටහන යටතේ දෙමාපියන් මිලියන 1.1 කට වැඩි පිරිසක් අයදුම් කළ අතර රජයට ඩොලර් මිලියන 228 කට අධික මුදලක් එහිදි වැය විය.එහිදි වැඩිපුරම මුදල් ලැබුණේ මිල්ටන් හි දෙමාපියන්ටයි එම අගය ඩොලර් මිලියන 2.6ය ඉක්මවා ඇත. මෙය බ්‍රැම්ප්ටන් සහ මිසිසුගා හි දෙමාපියන් විසින් අනුගමනය කරන ලදී.
මාපිය ගෙවීම්වල තුන්වන පුනරාවර්තනය ඉදිරිපත් කරන විට, ඔවුන්ගේ මුදල් වටිනාකම ලබා ගන්නේ කෙසේදැයි දෙමාපියන් දැන සිටි අතර මිලියන 2.1 කට වැඩි දෙමාපියන් ගෙවීම් සඳහා ඉල්ලුම් කර තිබිණි.එහිදීද රජයට ඩොලර් මිලියන 8.8 කට වඩා වැඩි මුදලක් වැය විය.ඔන්ටාරියෝහි COVID-19 ළමා ප්‍රතිලාභය දෙමාපියන්ට වැඩිපුර මුදල් පිරිනමන ලදී. එහිදී එක් දරුවෙකුට ඩොලර් 400 ක් සහ විශේෂ අවශ්‍යතා ඇති දරුවෙකුට ඩොලර් 500 ක් දක්වා මුදල්ගෙවීමක් සිදුවිය.
මෙහිදීද මිල්ටන්, බ්‍රැම්ප්ටන්, මිසිසුගා සහ බැරී වැඩිපුරම අයදුම්පත් ලැබී තිබු අතර එම ප්‍රදේශවල දරැවන්ට වැඩිපුරම මුදල් හිමිවිය.2022 ඔක්තෝබර් සහ 2023 මාර්තු අතර පැවැති සිව්වැනි ගෙවීම් වටයේ මුළු අයදුම්පත් සංඛ්යාව මිලියන 5.9 ක් දක්වා ගෙන ආ බව රජයේ නිලධාරීහු පවසති. ඒ අනුව වැඩසටහන් හතරම අතරේ ඩොලර් බිලියන 1.6ක් පමණ මුදල් දෙමාපියන් වෙත ගෙවිමට කටයුතු කර තිබිණි.
