ජනාධිපති රනිල් වික්‍රමසිංහ, හිටපු ජනාධිපති මහින්ද රාජපක්ෂ මෙන් ‘ගේම්කාරයෙක්’ හෝ කපටියෙක් නොවන බව පවසන ජාතික ජන බලවේගයේ නායක අනුර කුමාර දිසානායක, රනිල් වික්‍රමසිංහ මෙතෙක් කළ ජනාධිපතිවරණය වැළැක්වීමේ උත්සාහයේ සිට සියලු ක්‍රීඩා සහ සැලසුම් අසාර්ථක බවත් ප්‍රකාශ කළේය.
නියමිත කාලසීමාව තුළ ජනාධිපතිවරණය පැවැත්වීම පිළිබඳ කල්තැබීමේ විවාදයට පසුගියදා එක්වෙමින් ඔහු පාර්ලිමේන්තුවට කියාසිටියේ, ජනාධිපතිවරයාගේ ධුර කාලය වසර පහකට සීමාකිරීමට ආණ්ඩුක්‍රම ව්‍යවස්ථා සංශෝධනයක් ගෙන ඒමේ අවශ්‍යතාවක් නොමැති බවයි.
නව සංශෝධනයක් ගෙනඒමෙන් කැබිනට් මණ්ඩලය සිදුකර ඇත්තේ ජනාධිපතිවරණය සම්බන්ධයෙන් ජනතාව අතර ව්‍යාකූලත්වයක් ඇති කිරීම පමණක් බවත් ඔහු පැවැසීය.
හදිසි පනත් කෙටුම්පත් ගෙන ආ හැක්කේ ජාතික ආරක්ෂාව සහ ආපදා තත්ත්වයන් සම්බන්ධයෙන් පමණක් බව 21 වැනි සංශෝධනයේ පැහැදිලිවම සඳහන් වන බැවින් හදිසි පනතක් ලෙස ආණ්ඩුක්‍රම ව්‍යවස්ථා සංශෝධනයක් ගෙන ඒමට ආණ්ඩුක්‍රම ව්‍යවස්ථාවේ ප්‍රතිපාදන නොමැති බව අනුර දිසානායක පෙන්වාදුන්නේය.
“රනිල් කපටියෙක්, ගේම් කාරයෙක් කියලා රටේ මතයක් තියෙනවා. මම කියන්නේ ඔහු කපටියෙක්වත් ගේම්කාරයෙක්වත් නෙවෙයි, නමුත් මහින්ද රාජපක්ෂ තමයි ගේම් වල මාස්ටර්. ඔහු දේශපාලන පක්ෂ කඩලා අරන් තියෙනවා. රනිල් වසර 30ක් එජාපය තුළ ගේම් ගැහුවා. නමුත් පාර්ලිමේන්තු මැතිවරණයෙන් පවා ඔහු පැරදුණා. පසුගිය කාලය තුළ ඔහුගේ සියලුම ක්‍රීඩා අසාර්ථක වුණා. ජනාධිපතිවරණය වැළැක්වීම සඳහා ඔහු ගන්නා පියවර සාර්ථක වෙන්නේ නෑ” යැයි අනුර දිසානායක වැඩිදුරටත් සඳහන් කළේය.
