වනිඳු හසරංග වෙනුවට චරිත් අසලංක ශ්‍රී ලංකා ජාතික T20 ක්‍රිකට් කණ්ඩායමේ නායකත්වයට නිල වශයෙන් පත් කර තිබේ.T20 නායකයා ලෙස වනිඳු හසරංග හැමවිටම කටයුතු කළේ දඩබ්බරයකු ලෙසිනි.සිය ක්‍රිකට් ක්‍රීඩකයකු කෙටි කාලයක් තුළ ක්‍රීඩා ලෝලීන් අතර මෙතරම් අප්‍රසාදයට පත් වනු දැකීමට ශ්‍රී ලංකා ක්‍රිකට් ආයතනය බලාපොරොත්තු නොවන්නට ඇත.ක්‍රිකට් සම්බන්ධයෙන් ගත් කල, නායකයකු ලෙස හසරංගට ඔහුගේ ගමන්මග සෙවීමට වැඩි කාලයක් ලබා දිය හැකිව තිබුණ ද සිදුවීම් කිහිපයක් හේතුවෙන් දැන් නායකත්වයේ වෙනසක් සිදුව තිබේ.
රිච්මන්ඩ් විද්‍යාලයේ අවුරුදු 15න් පහළ ක්‍රිකට් ක්‍රීඩා කරන සමයේ සියට අසලංක සහ හසරංග දෙදෙනාම එක්ව ක්‍රිකට් ක්‍රීඩා කර තිබේ.රිච්මන්ඩ් විද්‍යාලය බොහෝ විට අසලංකගේ නායකත්වය යටතේ ඉදිරියට ගියේ ඔහු නායකත්වය සඳහාම සිටි තරුණයකු ලෙස දක්ෂතා පෙන්වීම නිසාය.ඔහු පිත්තෙන් දස්කම් දක්වමින් විශිෂ්ට වූ අතර නායකයකු ලෙස ද විශිෂ්ට විය.පසුව ශ්‍රී ලංකාවේ වයස අවුරුදු 19න් පහළ නායකයා ලෙස කටයුතු කළ අසලංක එතැන් සිට ජාතික කණ්ඩායමේ නායකයා ලෙස කටයුතු කළේය.සීමිත ඕවර තරග සඳහා සිය ස්ථානය තහවුරු කරගත් අසලංකට ඔහුගේ කාලය අවසානයේ පැමිණ තිබේ.එසේනම් අසලංකගේ නායකත්වය යටතේ අපට බලාපොරොත්තු විය හැක්කේ කුමක්ද?
ජාතික කණ්ඩායමට අවශ්‍ය සන්සුන් බව අසලංක ගෙන එනු ඇත.හසරංගගේ නායකත්වය යටතේ ශ්‍රී ලංකා කණ්ඩායම විශේෂයෙන් බංගලාදේශය පිළිබඳ අනවශ්‍ය අවුල් සහගත තත්ත්වයන් ඇතිකරගෙන තිබිණි.මාධ්‍ය සාකච්ඡාවලදී දිගින් දිගටම බංගලාදේශය සමච්චලයට ලක් කළ අවස්ථා ද තිබිණි.ලෝක කුසලාන අවසන් පූර්ව තරගයකටවත් නොපැමිණි බංගලාදේශය ශ්‍රී ලංකාව විසින්ම තම පරම ප්‍රතිවාදියා බවට පත් කර ගත් බවක් පෙනිණි.අසලංකගේ නායකත්වයෙන් ශ්‍රී ලංකා කණ්ඩායම අඩු ආන්දෝලනාත්මක තත්ත්වයකට පත්වනු ඇත.
අසලංකගේ නායකත්වයෙන් ජැෆ්නා කිංග්ස් කණ්ඩායම පසුගිය සතියේ තවත් ලංකා ප්‍රිමියර් ලීග් (LPL) ශූරතාවක් දිනා ගත්තේය.උපක්‍රමශීලී බව අතින් ඔහු පෙනෙන්නේ මහේල ජයවර්ධන වැන්නකු ලෙසිනි.උපක්‍රමශීලී බව සම්බන්ධයෙන් ශ්‍රී ලංකාවේ මෙතෙක් සිටි හොඳම නායකයා ජයවර්ධන විය හැකි අතර, ඔහුගේ ක්‍රිකට් දිවියේ වැඩි කාලයක් මුත්තයියා මුරලිදරන්, චමින්ද වාස්, ලසිත් මාලිංග, නුවන් කුලසේකර, රංගන හේරත් සහ අජන්ත මෙන්ඩිස් වැනි පිරිසක් ලැබීමට ඔහුට වාසනාවන්ත විය.
ලෝක මට්ටමේ එවැනි පන්දු යවන්නන් පිරිසක් අවාසනාවන්ත ලෙස අසලංක සතුව නොමැති නිසා ඉදිරි සතියේදී ඔහු සූර්යකුමාර් යාදව්, ශුබ්මන් ගිල් සහ යෂස්වි ජයිස්වාල් වැනි ප්‍රමුඛ පෙළේ ක්‍රීඩකයන්ට එරෙහිව පරීක්ෂණයට ලක්වීමට නියමිතයි.
