හිටපු එංගලන්ත ක්‍රිකට් ක්‍රීඩකයකු සහ ක්‍රිකට් පුහුණුකරුවකු වන ඉයන් බෙල් එළඹෙන එංගලන්ත සංචාරය සඳහා ශ්‍රී ලංකා ක්‍රිකට් කණ්ඩායමේ සහාය කාර්ය මණ්ඩලය සමඟ එක්වීමට සූදානමින් සිටින බව වාර්තා වේ.
ශ්‍රී ලංකා කණ්ඩායමේ තාවකාලික ප්‍රධාන පුහුණුකරු සනත් ජයසූරියගේ ඉල්ලීමකට අනුව සිදුව ඇති අතර ඔහු එංගලන්තයේ තත්ත්වයන්ට අනුවර්තනය වීමට කණ්ඩායමට උපකාර කිරීම සඳහා දේශීය විශේෂඥ දැනුමේ අවශ්‍යතාව අවධාරණය කර තිබේ.
බෙල්ගේ පැමිණීම මගින් එංගලන්ත තණතීරු සහ කාලගුණය පිළිබඳ වටිනා අවබෝධයක් ලබා ගැනීමට අපේක්ෂා කෙරේ.ඒ අනුව විදේශීය භූමියක දී සාර්ථකත්වය තහවුරු කර ගැනීමට අපේක්ෂා කරන ශ්‍රී ලංකාවේ සූදානමට එය සහායක් වනු ඇත.බොහෝ දෙනා විශ්වාස කරන්නේ මෙම සංචාරය ශ්‍රී ලංකා කණ්ඩායමට අභියෝගාත්මක තරඟයක් වනු ඇති බවයි.එහිදී ක්‍රීඩකයකු සහ පුහුණුකරුවකු ලෙස බෙල්ගේ පුළුල් අත්දැකීම්වලින් කණ්ඩායම ප්‍රතිලාභ ගනු ඇති බවට අපේක්ෂා කෙරේ.
මේ අතර ශ්‍රී ලංකා කණ්ඩායමේ තාවකාලික ප්‍රධාන පුහුණුකරු සනත් ජයසූරිය එංගලන්ත සංචාරයෙන් පසු එම තනතුරෙන් ඉවත්වන බව ප්‍රකාශ කලා.
