නවසීලන්ත කණ්ඩායම සමග ආරම්භ වූ තරඟ තුනකින් යුත් එක්දින ක්‍රිකට් තරගාවලිය සදහා වනිඳු හසරංගට අහිමිව තිබේ. ඒ අනුව, දුෂාන් හේමන්ත නවසීලන්තය සමග එක්දින තරගාවලියට කැදවා ඇත.
දඹුල්ල ක්‍රිකට් ක්‍රීඩාංගණයේදී පසුගිය 10 වැනිදා නවසීලන්තය සමග පැවැති දෙවැනි පන්දුවාර 20 තරගයේදී මස්පිඬු ආබාධයකට වනිඳු හසරංග ලක්විය.
ඒ අනුව, ශ්‍රී ලංකා ක්‍රිකට් කණ්ඩායමේ නායක චරිත් අසලංක ද, වනිඳු හසරංග එක්දින තරගාවලියට සහභාගිවිම සම්බන්ධයෙන් නිශ්චිත තහවුරුවක් මීට පෙර සිදුකර නොමැත.නිමාවූ තරග දෙකකින් යුත් පන්දුවාර විස්ස තරගාවලියේ වීරයා සම්මානය දිනාගත් වනිඳු කඩුලු 06ක් බිඳහෙළන ලදී.
