ෆෙඩරල් ආණ්ඩුව දේශසීමා ආරක්ෂාව ඉහළ නැංවීම සඳහා කුළුණු පහක ප්‍රවේශයක් ඉදිරිපත් කර ඇත. නමුත් ආර්ථික සැලැස්මේ වෙන් කර ඇති ඩොලර් බිලියන 1.3 ක අරමුදල් පැකේජය වෙන් කරනු ලබන්නේ කොහේද සහ කෙසේද යන්න පිළිබඳ මෙහි ඇතුළත් නොවේ.
කැනඩාව නීතිවිරෝධී මත්ද්‍රව්‍ය ගලායාම සහ හවුල් දේශසීමාව හරහා සංක්‍රමණිකයන් ගලායාම නතර නොකරන්නේ නම් සියලුම කැනේඩියානු ආනයන සඳහා සියයට 25ක තීරුබදු පනවන බවට එක්සත් ජනපද ජනාධිපති ලෙස තේරී පත් වූ ඩොනල්ඩ් ට්‍රම්ප් තර්ජනය කිරීමෙන් පසුව මෙම නිවේදනය නිකුත් කර ඇත.
“කැනේඩියානුවන්ට සහ අපගේ ඇමරිකානු හවුල්කරුවන්ට දේශසීමා ආරක්ෂාව සහ දේශසීමා අඛණ්ඩතාව පිළිබඳ ඔවුන්ගේ සැලකිල්ල බෙදාහදා ගැනීම වැදගත් පියවරක්” යැයි මුදල් හා අන්තර් රාජ්‍ය කටයුතු අමාත්‍ය ඩොමිනික් ලෙබ්ලාන්ක් Dominic LeBlanc පැවසීය.“අපි ජනාධිපති ට්‍රම්ප්ගේ ප්‍රකාශයන් සැලකිල්ලට ගෙන ඇත,” ලෙබ්ලැන්ක් වැඩිදුරටත් පැවසීය. ඔහු ට්‍රම්ප්ගේ කණ්ඩායම සමඟ “දිරිගන්වන” සංවාද ඇති බවත්, එය “ශුභවාදී” බවත් ප්‍රකාශකර ඇත.
මේ අතර LeBlanc, ආගමන අමාත්‍ය මාක් මිලර්, ජාත්‍යන්තර වෙළඳ අමාත්‍ය Mary Ng සහ සෞඛ්‍ය අමාත්‍ය Ya'ara Saks සමඟ එක්ව නව දේශසීමා පියවර පසුගියදා නිවේදනය කළේය.LeBlanc, ප්‍රකාශ කරන්නේ දේශසීමා ශක්තිමත් කිරීමේ සැලසුම් මාස ගනනාවක් තිස්සේ ක්‍රියාත්මක වෙමින් පවතින බවත්, එය තීරුබදු මග හැරීම සඳහා ට්‍රම්ප් සතුටු කිරීමට උත්සාහයක් නොවන බවයි.
නව සැලැස්මේ කුළුණු පහට ඇතුළත් වන්නේ ෆෙන්ටැනයිල් වෙළඳාම හඳුනා ගැනීම සහ කඩාකප්පල් කිරීම, නීතිය ක්‍රියාත්මක කිරීම සඳහා නව මෙවලම්, මෙහෙයුම් සම්බන්ධීකරණය වැඩි දියුණු කිරීම, තොරතුරු බෙදාගැනීම වැඩි කිරීම සහ අනවශ්‍ය දේශසීමා පරිමාවන් අවම කිරීමයි. ඒවා තුළ, ෆෙඩරල් රජය, නීති විරෝධී මත්ද්‍රව්‍ය හඳුනා ගැනීමට සහ නව සුනඛ කණ්ඩායම් යෙදවීමට, නව AI සහ රූපකරණ මෙවලම් වැනි ක්‍රියාමාර්ග යෝජනා කර ඇත.
නව ගුවන් ආරක්ෂක බලකායක් සඳහා වන සැලසුම් හෙලිකොප්ටර්, ඩ්‍රෝන සහ නිරීක්ෂණ කුළුණු වලින් සමන්විත වේ . ඇතුළුවීමේ වරායන් අතර 24/7 සෝදිසි කිරීම් ,සහතික කරමින් ඇතැම් ආයතනවල බුද්ධි තොරතුරු රැස් කිරීමේ ධාරිතාව පුළුල් කිරීම සහ මුදල් විශුද්ධිකරණය ඉලක්ක කර ගැනීමේ පියවරයන්ද ගෙන ඇත.ෆෙඩරල් රජය ද කැනඩාව සහ එක්සත් ජනපදය අතර මෙන්ම නීතිය බලාත්මක කිරීම සමඟ විවිධ මට්ටමේ තොරතුරු හුවමාරු කර ගැනීමට සැලසුම් කරයි.
