ඇමරිකානු ඡනාධිපතිවරයාගේ තීරුබදු තර්ඡන හමුවේ කැනේඩියානුවන් බොහෝ දෙනා එක්සත් ජනපද භාණ්ඩ වර්ජනය කිරීමට සැලසුම් කර ඇති අතර ට්‍රම්ප් ධුරයේ සිටියදී දේශසීමා තරණය නොකරන බව පවසා ඇත.
"ඩොනල්ඩ් ට්‍රම්ප් කැනඩාවට එරෙහිව සිය තීරුබදු තර්ජන සහ කැනඩාව 51 වන එක්සත් ජනපද ප්‍රාන්තය බවට පත් කිරීම පිළිබඳ ඔහුගේ 'විහිළු' ආරම්භ කළ බැවින්, මම එක්සත් ජනපදයේ ආරම්භ වූ එකම නිෂ්පාදනයක්වත් මිලදී ගෙන නැත, "කැනඩාවේ නිව් බ්රන්ස්වික් New Brunswick, Canada. හි විශ්‍රාමික ව්‍යාපාර හිමිකරුවෙකු වන 78 හැවිරිදි Lynne Allardice ලින් ඇලර්ඩිස් පැවසීය.
"එක සලාද කොළයක්වත් පලතුරු කෑල්ලක්වත් නෑ. මම ලේබල් කියවන්නෙකු බවට පත් වී ඇති අතර සාප්පු සවාරි යාමේදී 'එක්සත් ජනපදය හැර වෙනත් ඕනෑම තැනක'ප්‍රතිපත්තියක් අනුගමනය කර ඇත්තෙමි. ට්‍රම්ප් ජනාධිපති ධුරයේ රැඳී සිටියදී මම ඇමරිකාවට නොයන අතර මා දන්නා බොහෝ දෙනා එම ප්‍රතිපත්තිය අනුගමනය කර ඇත.දන්නා හඳුනන අය, වසර ගණනාවක් තිස්සේ ඔවුන් සතුව තිබූ එක්සත් ජනපද නිවාඩු දේපල විකුණමින් සිටි බව ඇලර්ඩිස් වැඩිදුරටත් පැවසීය.
බොහෝ කැනේඩියානුවන් ට්‍රම්ප්ගේ ආර්ථික තීරුබදු සහ දේශපාලන පණිවුඩ වලට ප්‍රතිචාර දක්වා ඇත්තේ එක්සත් ජනපද නිෂ්පාදන සහ සේවාවන් පාරිභෝගික වර්ජනය කිරීමෙනි - තවදුරටත් කැලිෆෝනියා වයින් හෝ ඇමරිකානු බෝර්බන් නොවේ; California wines or American Bourbon; ඇමේසන් ප්‍රරයිම් Amazon Prime වෙනුවට දේශීය සාප්පු සවාරි; නෙට්ෆ්ලික්ස් වෙනුවට ඇනලොග් විනෝදාස්වාදය සහ කේබල් රූපවාහිනිය analogue entertainment and cable TV instead of Netflix; ඩිස්නි වර්ල්ඩ් වෙනුවට කූටෙනයිස් Kootenays හි නිවාඩු දින. කැනඩාව පුරා සිය ගණනක් ජනතාව වොෂින්ටනයේ දේශපාලන හා ආර්ථික ආම්පන්න වෙනස් කිරීම සහ ඔවුන් පෞද්ගලිකව බලපෑමට ලක් විය හැකි ආකාරය පිළිබඳ ඔවුන්ගේ ප්‍රතිචාර මාධ්‍ය සමඟ බෙදා ගත්හ.
තවදුරටත් මිතුරෙකු නොවන සතුරු නව එක්සත් ජනපද පරිපාලනයක් ලෙස ඔවුන් දුටු දේ ගැන බොහෝ දෙනෙක් අකීකරුකම සහ කෝපය පළ කළ අතර, ආර්ථික බිය සහ ස්ථිර අලාභය පිළිබඳ හැඟීමක් ප්‍රකාශ කරමින්, ඔවුන් තවදුරටත් එක්සත් ජනපද භාණ්ඩ මිලදී නොගන්නා බව හෝ නැවත දේශසීමා තරණය නොකරන බව පැවසූහ - ඒ අවම වශයෙන් ට්‍රම්ප් ධුරයේ සිටියදී වනු ඇත.
බ්‍රිටිෂ් කොලොම්බියාවේ British Columbia 64 හැවිරිදි විශ්‍රාමික කාන්තාවක් වන පැම් පැවසුවේ ඇය සහ ඇගේ සැමියා පාම් ස්ප්රින්ග්ස් Palm Springs, වෙත සති පහක සංචාරයක් අවලංගු කළ බවත්, ඔවුන්ගේ ඩොලර් 5,000 (පවුම් 3,900) තැන්පතුව අහිමි වූ බවත්ය. ෆෝඩ් රථයක් වෙනුවට හොන්ඩා ට්‍රරක් රථයක් මිලදී ගැනීමට ඔවුන් සැලසුම් කරමින් සිටි බව ඇය පැවසුවාය.
බොහෝ දෙනෙක් පැවසුවේ ඔවුන්ගේ දේශීය සුපිරි වෙළඳසැල් කැනේඩියානු නිෂ්පාදන සලකුණු කරන ලේබල් ප්‍රදර්ශනය කර ඇති අතර එක්සත් ජනපද නොවන භාණ්ඩ සඳහා සැලකිය යුතු ලෙස වැඩි මුදලක් ගෙවීමට ඔවුන් සතුටු වන බවයි. එක්සත් ජනපද දේශසීමාවේ සිට මිනිත්තු 10 ක දුරක් ජීවත් වන සහ වර්ජනයට සහභාගී වන බ්‍රිටිෂ් කොලොම්බියාවේ එක් කාන්තාවක් කැනේඩියානු මිලදී ගැනීම් ප්‍රවර්ධනය කරන ෆේස්බුක් කණ්ඩායම් කිහිපයකට සම්බන්ධ වීමේ උපහාසය පෙන්වා දුන්නාය - ඉන් එකක් දැන් සාමාජිකයින් මිලියන 1.2 ක් දක්වා ඉහළ ගොස් ඇත.
එක්සත් ජනපද රජයට එරෙහිව නැගී සිටීමේ ගිනියම් ප්‍රතික්‍රියා මැද, කැනේඩියානුවන් සිය ගණනක් ඔවුන්ගේ පුද්ගලික මූල්‍යමය මත වෙළඳ තීරුබදු වල බලපෑම ගැන වූ බරපතල කනස්සල්ල බෙදා ගනිමින් ඇත.
ආගන්තුක සත්කාරය, සංචාරක කර්මාන්තය, සිල්ලර වෙළඳාම, විනෝදාස්වාදය, පුළුල් සේවා කර්මාන්තය, නිෂ්පාදන, වාහන කර්මාන්තය, ගුවන් සේවා, දේපළ හා ඉදිකිරීම්, කෘෂිකර්මය, අලෙවිකරණය සහ මූල්‍ය සේවා ඇතුළු ක්ෂේත්‍රවල සේවය කරන පුද්ගලයින්, තීරුබදු සහ එහි ප්‍ර තිඵලයක් ලෙස ආර්ථික අවිනිශ්චිතතාවය හේතුවෙන් ඔවුන්ගේ ව්‍යාපාරයට හෝ ආදායම් මාර්ගයට අහිතකර ලෙස බලපානු ලැබීම පිළිබඳ කනස්සල්ලෙන් පසුවුහ.
පවතින තත්වය හමුවේ සාතිශය බහුතරයක්වූ කැනේඩියානුවන් ඇමෙරිකානු භාණ්ඩ වර්ඡනයක නිරතව ඇත.එය කලාපීය සහයෝගීතාවයට සහ දෙරටේ ආර්ථිකයට සෘණාත්මක බලපෑමක් ඇතිකරමින් ඇත.
