ලොව වඩාත් ආකර්ශනීයම මෙන්ම අතිදැවැන්තම ෆ්‍රැන්චයිස් ක්‍රිකට් ලීගය වන ඉන්දීය ප්‍රිමියර් ලීග් (IPL) තරගාවලිය එළැඹෙන 22වනදා ආරම්භවීමට නියමිතය.2008 වසරේදී ආරම්භ වූ මෙම තරගාවලිය මෙවර පැවැත්වෙන්නේ 18වන වරටය.
තරගාවලිය ආරම්භයට පෙර කොල්කටා හි ඊඩ්න් ගාඩ්න්ස් ක්‍රීඩාංගණයේ විචිත්‍රවත් සමාරම්භක උත්සවයක් පැවැත්වීමට ඉන්දීය ක්‍රිකට් පාලක මණ්ඩලය කටයුතු යොදා ඇත.බොලිවුඩ් නළු නිළියන්, ගායක ගායිකාවන් ඇතුළු ජනප්‍රිය තරු රැසකගේ සහභාගිත්වයෙන් අතිඋත්කර්ශවත් ලෙස මෙම සමාරම්භක උත්සවය පැවැත්වීමට නියමිතය.
පසුගිය වසරේ පැවති සමාරම්භක උත්සවය සඳහා ජනප්‍රිය ඉන්දීය නිළි දෙපළක් වූ තමන්නා භාටියා හා රශ්මිකා මන්දනා සහභාගි වූහ.තරගාවලිය ආරම්භ කරමින් පළමු තරගය පසුගියවර ශූර කොල්කටා නයිට් රයිඩර්ස් සහ රෝයල් චැලෙන්ජර්ස් බැංගලෝර් කණ්ඩායම් අතර පැවැත්වේ.
කණ්ඩායම් 10ක සහභාගීත්වයෙන් පැවැත්වෙන මෙම තරගාවලිය මැයි මස 25 වනදා දක්වා පැවැත්වීමට කටයුතු යොදා ඇත.
