ඉන්දීය අග්‍රාමාත්‍ය නරේන්ද්‍ර මෝදි මහතා ලබන අප්‍රේල් පස්වනදා ශ්‍රී ලංකාවේ නිල සංචාරයක නිරත වීමට නියමිතයි.ඒ බව ජනාධිපති අනුර කුමාර දිසානායක මහතාද තහවුරු කලා. පසුගියදා පාර්ලිමේන්තුවේ දී අයවැය විවාදයට එක්වෙමින් ජනාධිපතිවරයා මේ බව කියා සිටියා.මේ අතර අසල්වැසි රාජ්‍යයේ අග්‍රාමාත්‍යවරයා ලෙස මෙන්ම ලෝකයේ ප්‍රබල රාජ්‍යයක අග්‍රාමාත්‍යවරයා ලෙස නරේන්ද්‍ර මෝදි මහතාගේ මෙරට සංචාරය අතිශයින්ම වැදගත් වනු ඇති.
මෝදි අග්‍රාමාත්‍යවරයාගේ මෙරට සංචාරය මගින් ශ්‍රී ලංකාවේ ආයෝජන අවස්ථා පුළුල් කිරීම ඇතුලු ආර්ථික සංවර්ධනය වඩාත් ළඟා කර ගැනීමට අවස්ථාව හිමිවන බවයි රඡයේ පාර්ශවයන් පෙන්වා දෙන්නේ.සාම්පූර් බලාගාරයේ ඉදිකිරීමේ කටයුතු ආරම්භ කිරීම ඇතුලු කාර්යයන් රැසකට එක්වීම සඳහා ඉන්දීය අග්‍රාමාත්‍යවරයා මෙම සංචාරයේදී කටයුතු කරණු ඇති.ජනාධිපති අනුර කුමාර දිසානායක මහතාගේ පසුගිය ඉන්දිය සංචාරය තුළින් ද මෙරටට වාසි රැසක් අත්වුණා.එම සංචාරයේ දී අනුර කුමාර දිසානායක මහතා කළ ආරාධනයකට අනුවයි ඉන්දීය අග්‍රාමාත්‍යවරයා මෙරට සංචාරයට එක්වන්නේ.
