"ඇමරිකා එක්සත් ජනපදයට ආර්ථික හානියක් කිරීමට" එක්ව කටයුතු කළහොත් යුරෝපා සංගමය සහ කැනඩාව මත විශාල තීරුබදු පැනවන බව ඇමරිකානු ජනාධිපති ඩොනල්ඩ් ට්‍රම්ප් පසුගිය බ්‍රහස්පතින්දා පැවසීය.
"යුරෝපා සංගමය කැනඩාව සමඟ එක්ව ඇමරිකා එක්සත් ජනපදයට ආර්ථික හානියක් සිදු කිරීමට කටයුතු කළහොත්, එම රටවල් දෙකටම මෙතෙක් ලැබී ඇති හොඳම මිතුරා ආරක්ෂා කිරීම සඳහා, දැනට සැලසුම් කර ඇති ප්‍රමාණයට වඩා බෙහෙවින් විශාල තීරුබදු ඔවුන් දෙදෙනාටම පනවනු ඇත, ට්‍රම්ප් " Truth Social හි සටහනක පැවසීය.
පසුගිය බදාදා ට්‍රම්ප් ආනයනික වාහන සඳහා සියයට 25 ක තීරු බදු පැනවීමක් ප්‍රකාශයට පත් කළ අතර, එය ගෝලීය වෙළඳ යුද්ධය පුළුල් කළ අතර බලපෑමට ලක් වූ ඇමරිකානු හිතවාදීන්ගෙන් විවේචන සහ පළිගැනීමේ තර්ජන එල්ල විය.
යුරෝපා කොමිසමේ සභාපතිනි Ursula von der Leyen උර්සුලා වොන් ඩර් ලේන් මෙම පියවර හැදින්වූයේ "ව්‍යාපාර සඳහා නරක හා පාරිභෝගිකයින්ට වඩාත් නරක" ප්‍රතිපල අත්කරණු ඇති බවයි.මේ අතර අගමැති Mark Carney මාර්ක් කාර්නි ට්‍රම්ප්ගේ තීරුබදු කැනේඩියානු කම්කරුවන්ට "සෘජු ප්‍රහාරයක්" ලෙස නම් කළ අතර පළිගැනීමේ පියවර සලකා බලමින් සිටින බව පැවසීය.
ඇමරිකානු වෙළඳ හිඟයෙන් වැඩි කොටසකට වගකිව යුතු රටවල් ඉලක්ක කර ගනිමින් ට්‍රම්ප් විසින් අන්‍යෝන්‍ය තීරුබදු ප්‍රකාශයට පත් කිරීමට සැලසුම් කළ දිනට පසු දින එනම් අප්‍රේල් 3 වන දින සිට මෝටර් රථ සහ සැහැල්ලු ට්‍රක් රථ සඳහා නව බදු පැනවීම ක්‍රියාත්මක වේ. වානේ සහ ඇලුමිනියම් සඳහා දැනටමත් හඳුන්වා දී ඇති තීරුබදු සහ මෙක්සිකෝව, කැනඩාව සහ චීනයෙන් ලැබෙන භාණ්ඩ සඳහා මෙම බදු පැනවේ.
ඇමරිකානු බර්බන් සඳහා සියයට 50 ක තීරුබද්දක් ඇතුළුව අප්‍රේල් මැද භාගය දක්වා එහි පළමු ප්‍රති-පියවර මාලාව ප්‍රමාද කරන බව යුරෝපා සංගමය පවසා තිබේ. ඊට ප්‍රතිචාර වශයෙන්, යුරෝපා සංගමය මෙය ඉදිරියට ගෙන ගියහොත් යුරෝපා සංගමයේ සියලුම වයින් සහ අනෙකුත් මධ්‍යසාර නිෂ්පාදන සඳහා සියයට 200 ක තීරුබදු පනවන බවට ට්‍රම්ප් තර්ජනය කළේය.
