කැනඩාවේ ෆෙඩරල් මැතිවරණය සඳහා දල වශයෙන් ඩොලර් මිලියන 570 ක් පමණ වැය වෙනු ඇතැයි කැනඩාවේ මැතිවරණ කාර්යාලයේ ප්‍රධානියා අනාවැකි පලකරනවා. ඔහු පවසන්නේ බදු ගෙවන්නන්ට දළ වශයෙන් ඩොලර් මිලියන 570 ක පමණ මුදලක් වැය කිරීමට සිදුවනු ඇති බවයි.එය 2021 අවසන් මැතිවරණයට වඩා "තරමක් අඩු" මුදලක් බවද ඔහු පෙන්වා දෙනවා.
අප්‍රේල් 28 වන දින පැවැත්වීමට නියමිත මැතිවරණය සඳහා කැනඩාවේ මැතිවරණ කාර්යාලයට සේවකයින් 250,000 ක් පමණ බඳවා ගැනීමට බලාපොරොත්තු වන බව ප්‍රධාන මැතිවරණ නිලධාරී Stéphane Perrault ස්ටෙෆාන් පෙරෝල්ට් පවසයි.
කැනඩාව පුරා විශ්වවිද්‍යාල 119 ක ඡන්ද මධ්‍යස්ථාන පිහිටුවීමේ වැඩසටහනක් මෙම වසරේ නැවත ගෙන එන බව මැතිවරණ කාර්යාලය පවසයි. එම මධ්‍යස්ථාන ශිෂ්‍ය සංඛ්‍යාවෙන් දළ වශයෙන් සියයට 60 ක් පමණ වේ.
පෙර ෆෙඩරල් මැතිවරණයට සාපේක්ෂව ස්වදේශික ප්‍රජාවන්හි ඡන්ද මධ්‍යස්ථාන සංඛ්‍යාව තුන් ගුණයකින් වැඩි වී ඇති බව කැනඩාවේ මැතිවරණ කාර්යාලය පවසයි.
COVID-19 වසංගතය අතරතුර භාවිතා කරන ලද ක්‍රියාමාර්ග - කැනේඩියානුවන්ට තැපෑලෙන් ඡන්දය ගොනු කළ හැකි ඩ්‍රොප් පෙට්ටි වැනි උපකරණ - ඉදිරි ඡන්දය සඳහා ක්‍රියාත්මක නොවේ.
මේ අතර කැනඩාවේ 45 වන මහ මැතිවරණය ආරම්භ කරමින්, ලිබරල් නායක මාර්ක් කාර්නි පාර්ලිමේන්තුව විසුරුවා හරින ලෙස ආණ්ඩුකාරවරයාගෙන් ඉල්ලා සිටීමත් සමඟ පසුගිය ඉරිදා ෆෙඩරල් මැතිවරණ ව්‍යාපාරය ආරම්භ විය .ඒ අනුව, එරට පාර්ලිමේන්තු මැතිවරණය අප්‍රේල් 28 වැනිදා පවත්වෙනු ඇති.
කැනේඩියානු ආර්ථිකයක් ගොඩනැගීමට ශක්තිමත් ජනවරමක් ලබා දෙන්නැයි මාර්ක් කාර්නි එරට වැසියන්ගෙන් ඉල්ලා සිටියේය.
අමෙරිකානු ජනාධිපති ඩොනල්ඩ් ට්‍රම්ප්ගේ අහිතකර බදු ප්‍රතිපත්ති මගින් ඇති කරන පීඩනයට එරෙහිව සටන් කිරිම සඳහා ශක්තිමත් පාර්ලිමේන්තුවක් ගොඩනැගීම, සිය අරමුණ බව ඔහු සඳහන් කළේය.
හිටපු අගමැති ජස්ටින් ටෲඩෝ ඉල්ලා අස්වීමත් සමඟ පාලක පක්ෂ නායකත්වයට පත්වූ මාර්ක් කානී, පසුගිය 14 වැනිදා කැනඩාවේ නව අග්‍රාමාත්‍යවරයා ලෙස දිවුරුම් දුන්නේය.
