ටොරොන්ටෝ නගර බලධාරීන්, නගරයේ අභ්‍යන්තර සේවකයින් 27,000 ක් නියෝජනය කරන වෘත්තීය සමිතියක් සමඟ ඉදිරි වසර හතර සදහා නව ගිවිසුමක් අනුමත කළේය.
මේ මස මුලදී, මාර්තු නිවාඩුව සඳහා සිසුන් පාසල් නොයන අවස්ථාවක, CUPE Local 79 වෘත්තීය සමිතිය වර්ජනයකට සූදානම් විය.
මහජන සෞඛ්‍ය, නගර ශාලා මෙහෙයුම්, පොලිස් පිටත් කර යැවීම, ළමාරක්ෂක සහ දිගුකාලීන සත්කාර යන අංශවල සේවකයින් නියෝජනය කරන මෙම වෘත්තීය සමිතිය, වඩා හොඳ වැටුප් ඉල්ලා මෙම වර්ජනයට සූදානම් විය. සාකඡ්චා වලින් පසු පසුගිය මාර්තු 8 වන දින දෙපාර්ශ්වය එකඟතාවයකට පැමිණි අතර, එම එකගතා ගිවිසුම පසුගිය සෙනසුරාදා අනුමත කෙරිණි.
"අපගේ නගරය ආරක්ෂිතව සහ සෞඛ්‍ය සම්පන්නව තබා ගැනීම සඳහා CUPE Local 79 සාමාජිකයින්ට තීරණාත්මක කාර්යභාරයක් ඇත. මෙම ගිවිසුම ඔවුන්ගේ තීරණාත්මක කාර්යය හඳුනා ගන්නා අතරම ටොරොන්ටෝනියානුවන්ට වටිනාකමක් ලබා දෙයි," නගරාධිපති Olivia Chow ඔලිවියා චව් නිවේදනයක් නිකුත් කරමින් කියා සිටියාය.
නව ගිවිසුමේ දී, සේවකයෙකුගේ වැටුප් ශ්‍රේණිය අනුව පැයකට ඩොලර් 1.60 සිට ඩොලර් 1.65 දක්වා හෙවත් සියයට 3.95 දක්වා වැටුප් වැඩි කිරීමට එකඟ වූ බව නගර බලධාරීන් පැවසීය.
ඉන්පසුව, 2026 සිට 2028 දක්වා, සියලුම සාමාජිකයින්ට වාර්ෂික වැටුප් වැඩිවීමක් සියයට තුනේ සිට 3.9 දක්වා ලැබෙනු ඇතැයි නගර බලධාරීන් වැඩිදුරටත් පවසයි.
නගර බලධාරීන් පෙන්වා දෙන්නේ මෙමගින් මාරුවීම් වාරික සහ පරිපූරක වෛද්‍ය ප්‍රතිලාභ වැඩි කරන බවත්, අර්ධකාලීන විනෝදාස්වාද සේවකයින් අවම වැටුපට වඩා වැඩි ආදායමක් උපයන බව සහතික කරන බවයි.හෙද වෘත්තිකයින්, පරිපූරක වෛද්‍ය ඇමතුම් ලබා ගන්නන්, පවුල් සහායක සේවකයින්, නඩු පවරන්නන්, හදිසි වෛද්‍ය පිටත් කරන්නන්, නීති ලිපිකරුවන් සහ නාගරික ප්‍රමිති නිලධාරීන් සඳහා එක් වරක් වෙළඳපොළ පදනම් කරගත් වැටුප් වැඩිවීමක් ලබා දෙන බවයි වැඩිදුරටත් පෙන්වා දෙන්නේ.
නව ගිවිසුම යටතේ දිගු කාලීන රැකවරණ නිවාස කාර්ය මණ්ඩලයට සෑම වැටුප් කාල සීමාවකදීම වැඩි පැය ගණනක් සහ මාරුවීම් ලැබෙනු ඇති.දෙපාර්ශවය සමග ඇතිකරගන්නා ලද ගිවිසුම 2028 දෙසැම්බර් 31 දක්වා වලංගු වේ.
