ව්‍යාජ කැනේඩියානු වීසා බලපත්‍ර සමඟ කටුනායක ගුවන් තොටුපළේදී ශ්‍රී ලාංකිකයන් නවදෙනෙකු අත්අඩංගුවට ගෙන ඇති අතර, එය ව්‍යාජ වීසා ලේඛන සම්බන්ධයෙන් ගුවන් තොටුපළේදී අත්අඩංගුවට ගත් විශාලතම කණ්ඩායම බවට පත්ව ඇත.
කටුනායක ගුවන් තොටුපළේ ආගමන විගමන නිලධාරීන් විසින් (මාර්තු 24) වැනිදා සවස එක් සැකකරුවෙකුගේ සංචාරක ලියකියවිලි සම්බන්ධයෙන් සැකපිට ප්‍රශ්න කිරීමෙන් පසු අනෙක් සැකකරුවන්ද අත්අඩංගුවට ගෙන තිබේ.
තාක්ෂණික පරීක්ෂාවන්ට ලක්කිරීමෙන් පසු මගියාගේ කැනේඩියානු රැකියා වීසා බලපත්‍රය ව්‍යාජ ලෙස සකස් කර ඇති බව සොයාගෙන ඇති අතර, ඔහුගේ විදේශ ගමන් බලපත්‍රය අව්‍යාජ බව සොයාගෙන තිබේ.
සැකකරුගෙන් තවදුරටත් ප්‍රශ්න කිරීමේදී ඩුබායි බලා පිටත්වීමේ විවේකාගාරයේ රැඳීසිටි එහා සමාන ව්‍යාජ වීසා බලපත්‍ර සහිත තවත් මගීන් අටදෙනෙකු අත්අඩංගුවට ගැනීමට හැකිව තිබේ.
වයස අවුරුදු 30 ත් 40 ත් අතර සැකකරුවන් ව්‍යාජ කැනේඩියානු වීසා බලපත්‍රය ලබාගැනීම සඳහා එක් අයෙකුට රුපියල් මිලියන 4.5 ක් වියදම් කර ඇති බව පරීක්ෂණවලින් හෙළිව ඇත.සැකකරුවන් හෙළිකර ඇත්තේ, ඔවුන්ගේ සම්බන්ධීකාරක ලෙස කටයුතු කළ පුද්ගලයකු මීගමුවේ හෝටලයකට පැමිණ ඔවුන් ගුවන් තොටුපළට ගෙන රැගෙන ආ බවයි.
අපරාධ පරීක්ෂණ දෙපාර්තමේන්තුවේ (CID) නිලධාරීන් විසින් සිදුකරන ලද වැටළීමකින් පසු, ව්‍යාජ වීසා සඳහා මිලියන ගණනක් අයකළ බව කියන සම්බන්ධීකාරකවරයා එම මීගමුව හෝටලයේදී අත්අඩංගුවට ගන්නා ලදී.
මෙම වංචාවේ මහමොළකරු කැනඩාවේ ස්ථිර පදිංචිකරුවකු බවත්, ඔහු දේශීය නියෝජිතයකු හරහා ක්‍රියාකර ඇති බවත් විමර්ශනවලින් හෙළි වී තිබේ.අත්අඩංගුවට ගත් සැකකරුවන් වැඩිදුර පරීක්ෂණ සඳහා CID වෙත භාර දී ඇත.
