පසුගිය සිකුරාදා සිට කැනේඩියානු හමුදාව CC-130 හර්කියුලිස් ප්‍රවාහන ගුවන් යානාවලින් ගාර්ඩන් හිල් ෆස්ට් නේෂන් හි ලැව්ගිණි තර්ඡනයට ලක්ව සිට පුද්ගලයින් ඉවත් කිරීම ආරම්භ කළ අතර, ඉරිදා දහවල් වන විට 1,550 කට වැඩි පිරිසක් විනිපෙග් වෙත රැගෙනවිත් තිබෙනවා.
ඒකාබද්ධ මෙහෙයුම් විධානයේ කපිතාන් වයට් ෂෝටර් පවසන්නේ ගාර්ඩන් හිල් හැර යාමට තවත් පිරිසක් බලා නොසිටින බවත්, වෙනත් කෙනෙකුට ගුවන් ගමනක් අවශ්‍ය වුවහොත් විනිපෙග් හි හර්කියුලිස් යානයක් සූදානම්ව ඇති බවත්ය.ලැව්ගිනි අඛණ්ඩව පැතිර යත්ම, මැනිටෝබා ප්‍රාන්තය පසුගිය සතියේ වසරේ දෙවන පළාත් මට්ටමින් හදිසි තත්වයක් ප්‍රකාශයට පත් කළේය.
ෆෙඩරල් රජය, ගින්න මැඩපැවැත්වීම සඳහා කටයුතු කරන බවත්, අමතර සහාය ලබා දීමට සූදානම් බවත් අගමැති මාර්ක් කාර්නි සමාජ මාධ්‍ය සටහනකින් පවසයි.
"විශේෂයෙන් මැනිටෝබා, සස්කැච්වන් සහ ඔන්ටාරියෝ හරහා ලැව්ගිනි නරක අතට හැරෙමින් තිබේ. කැනේඩියානුවන් වෙනුවෙන්, මෙම අර්බුදයේ පෙරමුණේ සිටින සියලුම පළමු ප්‍රතිචාර දැක්වූවන්ට මගේ අඛණ්ඩ කෘතඥතාව පළ කරමි," කාර්නි සිය සටහනේ දක්වා ඇත.
මේ අතර ලැව්ගිනි දුමාරය හේතුවෙන් ටොරොන්ටෝ සහ අවට ජීටීඒ ප්‍රදේශය දැඩි උණුසුමකට සහ දුර්වල වායු ගුණාත්මක තත්වයකට පත්ව ඇති බව කැනඩාවේ පරිසර බලධාරීන් පවසයි.කාලගුණ ඒජන්සිය විසින් සඳුදා අලුයම මෙම අනතුරු ඇඟවීම් නිකුත් කරන ලදී.
උතුරු ඔන්ටාරියෝ ප්‍රදේශයේ ලැව්ගිනිවලින් ඇතිවන දුමාරය එම ප්‍රදේශයට ගලා ඒම නිසා වාතයේ ගුණාත්මකභාවය පිරිහීමට ලක්වන බව එහි සඳහන් වේ.අයහපත් වායු ගුණාත්මකභාවය සඳුදා සිට අඟහරුවාදා දක්වා පවතිනු ඇතැයි අපේක්ෂා කෙරේ.
"අධික දුමාරය පවතින තත්වයන් තුළ, වයස හෝ සෞඛ්‍ය තත්ත්වය නොසලකා සෑම කෙනෙකුගේම සෞඛ්‍ය අවදානමට ලක් වේ. එළිමහනේ ගත කරන කාලය සීමා කරන්න. එළිමහන් ක්‍රීඩා, ක්‍රියාකාරකම් සහ සිදුවීම් නැවත කාලසටහන්ගත කරන්න හෝ අවලංගු කරන්න," කැනඩා පරිසර බලධාරීන් පැවසීය.
මේ අතර, ටොරොන්ටෝ නගරයට අධික තාපය සහ ආර්ද්‍රතාවය දීර්ඝ කාලයක් පවතින බැවින්, එහි තාප අනතුරු ඇඟවීමක් ද ක්‍රියාත්මක වේ.
දිවා කාලයේ උපරිම උෂ්ණත්වය සෙල්සියස් අංශක 32 දක්වා ළඟා වනු ඇතැයි අපේක්ෂා කරන අතර, ආර්ද්‍රතාවය 35 සිට 40 දක්වා ඉහළ යනු ඇතැයි කාලගුණ ඒජන්සිය පවසයි.
රාත්‍රී කාලයේ අවම උෂ්ණත්වය සෙල්සියස් අංශක 19 සිට 23 දක්වා ඉහළ යාම උණුසුම් උෂ්ණත්වයෙන් සුළු සහනයක් ලබා දෙනු ඇත. උණුසුම් තත්වය බ්‍රහස්පතින්දා දක්වා පවතිනු ඇතැයි අපේක්ෂා කරන බව කැනඩාවේ පරිසර බලධාරීන් පවසයි.
