ඔන්ටාරියෝ ලොතරැයි සහ ක්‍රීඩා සංස්ථාව (OLG) සෑම ඔන්ටේරියානුවෙකුටම ලොතරැයි පතක් මිලදී ගැනීමකින් තොරව ඩොලර් මිලියනයක් දිනා ගැනීමේ අවස්ථාව ලබා දීමට තීරනය කර ඇත.මෙම දැවැන්ත ත්‍යාගය පිරිනැමෙන්නේ ලොතරැයි සංවිධානයේ 50 වන සංවත්සරය සැමරීමට සමගාමීවයි..
OLG හි ප්‍රධාන විධායක නිලධාරියා ප්‍රකාශ නලේ මෙම තරඟය විනෝදජනක සහ උද්යෝගිමත් ආකාරයෙන් ලොතරැයිය ක්‍රීඩා කරන අය වෙනුවෙන් ස්තූති කිරීමේ ක්‍රමයක් බවයි."මෙය තරඟයකට වඩා වැඩි දෙයක් - එය පසුගිය වසර 50 තුළ සාර්ථක කර ගැනීමට දායක වූවන් සැමරීමකි," OLG හි සභාපති සහ ප්‍රධාන විධායක නිලධාරී ඩන්කන් හැනේ පැවසීය."අපගේ ලාභයෙන් සියයට සියයක්ම ඔන්ටාරියෝ හි රැඳී සිටීමත් සමඟ, අපගේ තරගකරුවන් බිලියන ගණනක් අපගේ පළාතට නැවත ආයෝජනය කිරීමට උදව් කර ඇති අතර, එය අප සැමට ආඩම්බර විය හැකි දෙයකි."යනුවෙන් වැඩිදුරටත් පැවසීය.
ඔන්ටාරියෝ ලොතරැයි සහ ක්‍රීඩා සංස්ථාව (OLG) පසුගිය සඳුදා Welcome to Wintario තරඟය දියත් කළ අතර, කිසිදු මිලදී ගැනීමකින් තොරව ඩොලර් මිලියන 1 ක මහා ත්‍යාගයක් සහ ඩොලර් 1,000 ක ද්විතීයික ත්‍යාග 50 ක් දිනා ගැනීමේ අවස්ථාවක් ලබා දීමට කටයුතු කර ඇත.
1975 සිට, OLG විසින් ඩොලර් බිලියන 59 කට වඩා ලොතරැයි ත්‍යාග ලබා දී ඇති අතර සෞඛ්‍ය සේවා, ආධුනික ක්‍රීඩා, පුණ්‍යායතන සහ අනෙකුත් ප්‍රඡා ආයතන වෙතද ආසන්න වශයෙන් ඩොලර් බිලියන 62 ක මුදලක් ලබා දී ඇත.
ඔන්ටාරියෝ ලොතරැයි සහ ක්‍රීඩා සංස්ථාව හදුන්වාදුන් තරඟය 2025 අගෝස්තු 18 සිට ඔක්තෝබර් 19 දක්වා පැවැත්වේ.ඒ සදහා වයස අවුරුදු 18 සහ ඊට වැඩි සියලුම ඔන්ටාරියෝ පදිංචිකරුවන්ට ඇතුළුවීමට සහ විවෘත කිරීමට නිදහස ඇති අතර, එක් පුද්ගලයෙකුට ප්‍රවේශයන් එකකට සීමා වේ.
