ශ්‍රී ලංකාවේ ජාතික ක්‍රීඩා සංගම් තුනක ලියාපදිංචිය තාවකාලිකව අත්හිටුවමින් අතිවිශේෂ ගැසට් නිවේදනයක් නිකුත් කර ඇත.
එම ගැසට් පත්‍රයට අනුව, යෞවන කටයුතු හා ක්‍රීඩා අමාත්‍යාංශය විසින් 2025 අගෝස්තු 25 වන දින සිට ක්‍රියාත්මක වන පරිදි මළල ක්‍රීඩා, මේස පන්දු සහ ජිම්නාස්ටික් සංගම් ලියාපදිංචිය අත්හිටුවා ඇත.සංශෝධිත පරිදි, 1973 අංක 25 දරන ක්‍රීඩා නීතියේ 32 සහ 33 වගන්ති යටතේ මෙම පියවර ගෙන තිබේ.
අත්හිටුවන ලද සංගම් තුනෙහි පරිපාලනය අධීක්ෂණය කිරීම සඳහා යෞවන කටයුතු හා ක්‍රීඩා අමාත්‍යාංශයේ ලේකම්වරයා නිසි බලධාරියා ලෙස පත්කර ඇති බව ගැසට් පත්‍රයේ තවදුරටත් සඳහන් වේ.ෙඅදාළ සංගම්වල සංශෝධිත ව්‍යවස්ථා යටතේ පවත්වනු ලබන වාර්ෂික මහාසභා රැස්වීම්වලදී නිලධාරීන් නිසි ලෙස තෝරා පත්කර ගන්නා තෙක් නව අධිකාරිය පවතිනු ඇත.
ව්‍යවස්ථා සංශෝධනය සහ මෙම ජාතික ක්‍රීඩා ආයතන තුළ මැතිවරණ නිසි ලෙස පැවැත්වීම ඇතුළුව ක්‍රීඩා නීතියේ විධිවිධානවලට අනුකූල වීම සහතික කිරීම මෙම තීරණයේ අරමුණ වේ.
