දයාබර චූටි දුවට
ගොඩක් කල් ගිහින්
ඔයා ලෝකෙට ඇවිල්ල 2003 දී
ඔයා ආවෙම ලොකු සටනක් දීල
ඔයාගේ අම්මට ලේසි වුනේ නැහැ
නමුත් එදායින් පස්සේ සතුට විතරයි
අම්ම එක්ක ඔයා බලා හදා ගන්නකොට
පහුගිය සොළොස් වස තුල
නුවණැත්තී මෘදු සිතැත්තී
සතුටු පිරුණු මංජුසාවක් - ඔබ
ඉක්මනින්ම ඔබ මේ කැදැල්ල
හැර යාවි
මම ගියා වගේම කාලෙකට ඉහත
නමුත් මතක තියා ගන්න
හදවතක් තිබේවි හැමදාම
දකින්න ඔබේ වත
අසන්න ඔබේ හඬ
විඳින්න ඔබේ සිනහව
සුභ උපන් දිනයක් චූටි දුව
-තාත්තා
අජිත් ධර්මකීර්ති - කොළඹ ගමයා බ්ලොග් අඩවියෙන්
https://kolambagamaya.blogspot.com
මොනවාද ඔබ මොනවාද ඔය කියන්නේ?
ලවණ බිඳු ඇහිපිය අතර තවරා දුවන තෙත් මුහුදු සුළඟකි
ඔබේ කෙහෙ කැරැල්ලක අගිස්සෙන් මගේ ගෙල සෙමෙන් කිතිකැවෙන්නේ
රළුම රළු අත්ලතක මුදු රෝස පෙති ඇඟිලි තිය තියා
මොනවාද ඔබ මොනවාද ඔය කියන්නේ?
"ඔව් ඉතින් ඔයා කවි ලියන්නේ නෑ තමයි
කිව්වාම මොකද අර රතු වළාකුලත් කවියක් වගෙයි
කැන්වසය මත ඇඳෙන හැම ඉරක තිතකමත්
පින්සලෙන් වෑස්සෙන වර්ණ තලියක වුනත්
හැංගිලා තියෙන්නේ නොලියාපු කවියක අපැහැදිලි හෙවනැලියි"
රළ නැගෙන - යළි බිඳෙන'යුරු දැක පොල් කරටි කම්පාවෙනි
එයින් කමටහන් ගත් මුහුදු ළිහිණින් බවුන් වඩන්නේ
දල කටුක අමිහිරක කිරි සිනා පුබුදුවන්නෙමි කියා
තනියෙන්ම ඔරු බඳක් දියඹට ඇදෙන්නේ....
“අපි කැමති පාටත් – කෑම බීමත් එකමයි
රැවුල නැත්නම් හැබැයි මං චේට, ෆිදෙල්ට අකමැතියි
පොඩි ගෙයක් හදාගමු, සඳැල්ලට මූද පේන මානේ අපී
මමත් පර්මනන්ට් දැන් – ලෝන් ඇප්ලයි කරන්නත් හැකී
ඉන් පස්සෙ හැමදාම අතින් අත පටලාන උන්නැකී”
කෙසඟ කළු පොඩි කොලුවෙක් – හිම වළස් සුරතක ඇඟිල්ලක එතෙයි
තුරුණු යුවළක් සෙවණැලි අතර සැඟැවේ
නළලතට අත තියා මුහුදට ඔරවා, ධීවරියකද අර පෑල දොර අඩවල් කරන්නේ
තරුණියක් මද අඳුර අතරින් මතුවේ – ලාබ විලවුන් ගඳක් වැදිවැදී, නැහැ තුඩග කෙවෙන්නේ....
හිරු ගිලී අවසන්ය.
දැන් මුහුදු දිය ගොජ දදා උණු වෙනවද?
නැතිනම් ඉරත් නිවුනිද?
පපුව තුල උණු රුහිරු පැහෙන්නේ
දහසකුත් එකක් පැන බුබුලනය වෙවී ඉහලට ඇදෙන්නේ....
“අනේ ළමයෝ කතා නැතුවම ඉඳල ගොළුවෙයි
ඔයාටත් එක්ක මම කතා කරනවනෙ ඒකත් මදැයි
කාරෙකයි – පොඩි ගේකුයි
පොඩි පැටව් තුන්දෙනෙකුයි
මේක මහ පුදුමයක්! නැද්ද මං අහන්නේ?
අපි හිතන – අපි පතන හැමදේම එක වගෙයි!”
ලවණ බිඳු ඇහිපිය අතර තවරා දුවන තෙත් මුහුදු සුළඟකි
ඔබේ කෙහෙ කැරැල්ලක අගිස්සෙන් මගේ ගෙල සෙමෙන් කිතිකැවෙන්නේ
රළුම රළු අත්ලතක මුදු රෝස පෙති ඇඟිලි තිය තියා
මොනවාද ඔබ මොනවාද ඔය කියන්නේ?
යශෝධා සම්මානි ප්‍රේමරත්න ( බස්සී )
බස්සීගේ නවාතැන https://bassigenawathana.blogspot.com/ බ්ලොග් අඩවිය
* අවසර ඇතිව උපුටා ගත්තකි .
අහන්නකො.....
මං ආසයි
කවදම හරි දවසක
ඔව්..කව....අ අ අ අ අ ....දම
හරි දවසක
ඔයා ළඟින් වාඩිවෙලා
හරි හරියට ඔයත් එක්ක
වැටෙනකංම බොන්න
(මේකි යකෝ...පිස්සු උඹට...
ඔයා එහෙම කියයි)
ඔව් මට ඕනේ මත්වෙන්න
සිහිවිකල් වෙලා සේරම අමතක වෙන තැනට
පෝ....ඩ්ඩක් මෙහායින් නතර වෙන්න...
සීරුවට ඔතපු කංසා වැටියක්
උගුර උගුර ඔයා එක්ක බෙදාගෙන උරන්න
කංසා දුමාරේ වගේ
ඔයාවත් පපුවටම ගන්න
ඊට පස්සෙ
ඔයාව බදාගෙන ඉඹගෙන
ඉඹගෙන යන්න
පපුවට තුරුල් වෙන්න
තොල්පෙති හයියෙන් හපන්න
ඔයාව කොනිත්තන්න...
හූරන්න...මිරිකන්න
ඔව් මට ඕනේ ඔයාව
යටත්කරගන්න
හිතේ හැටියට විඳින්න..
මගේ කරගන්න...
කොටින්ම මට ඕනේ
ඔයාව රේප් කරන්න
( ඔය...ඉතින් ...
ඔහොම කට ඇරන් මං දිහා බලන්න එපා )
ඔයා දන්නවද?
ප්‍රේමය කියන්නෙම ගින්දරක්
මත්වීම කියන්නෙම නිවීමක් !!
ශානිකා ශෂිප්‍රියා
සොඳුරු සඳවතී බ්ලොග් අඩවිය https://kavisandalla.blogspot.com/
ගොඩට මෙන්ම මඩටත්
➖➖➖➖➖➖➖❤️➖
ලයිට් නිවලා සමහරක් නම් හාන්නේ මහ කළුවරේ
කොහොම හානවද මන්දා නියර බිඳුනොත් ජරමරේ
මඩ කුඹුර යන්තරෙන් හාලා දෙන්නෙ හන්දියෙ ඉන්දරේ
පුරන් වූවොත් මටයි පාඩුව හදමි හානා
යන්තරේ
® කාව්ව සිරෝමනී මාතලන්
#කුප්පකවි
මාතලන් බ්ලොග් අඩවියෙන්
https://maathalan.blogspot.com/
කැරළිකාරිය
කෝල සිනහව හිතේ රැඳුනා
උර තලේ බර සුසුම් දැනුනා
සුමුදු අතැඟිලි පහස දැනුනා
කැරලි කෙහෙරැලි අතර වෙලුනා
සිසි කැලුම් පරදන සිනා ඇත්තී
හී සරය පරදන බැලුම් ඇත්තී
වෙඬරු මෙන් මුදු හදක් ඇත්තී
කතරේ කෙම් බිම ඔබ මුවැත්තී
සවන් සනහන කතාකාරිය
නුවන් පිනවන ලතා නාරිය
දැහැන් බින්දන දේහ දාරිය
මගේ හිතගත් කැරළිකාරිය
නාඩියා නාඩිරත්න
