කොන්සර්වේටිව් සහ එන්.ඩී.පී දේශපාලනඥයින්ගේ ඉල්ලීම් අනුව කැනඩාව බිෂ්නෝයි කල්ලිය ත්‍රස්තවාදී සංවිධානයක් ලෙස ලැයිස්තුගත කර ඇත .
බන්ධනාගාරයක් තුළ ජංගම දුරකථනයකින් අපරාධ ක්‍රියාකාරකම් සම්බන්ධීකරණය කර ඇති බවට වාර්තා වන ඉන්දියානු සම්භවයක් සහිත බිෂ්නෝයි කල්ලියේ නායකයා වන ලෝරන්ස් බිෂ්නෝයිගේ නායකත්වයෙන් යුත් කණ්ඩායමට මුදල් සැපයීම හෝ ආධාර කිරීම කැනේඩියානුවන්ට මෙම ලැයිස්තුගත කිරීමත් සමග තහනම් වනු ඇති .
පසුගිය වසරේ RCMP සංවිධානය ඉන්දියාවට චෝදනා කළේ, කැනේඩියානුවන්, විශේෂයෙන් කාලිස්තානය ලෙස හැඳින්වෙන වෙනම සික් රටක් නිර්මාණය කිරීමට පෙනී සිටින අය ඉලක්ක කර ගනිමින් මිනීමැරුම් සහ කප්පම් ක්‍රියාවන් සිදු කිරීම සඳහා බිෂ්නෝයි කල්ලිය යොදා ගන්නා බවයි.නවදිල්ලිය එම ප්‍රකාශ ප්‍රතික්ෂේප කර ඇති අතර, ඒ වෙනුවට කැනඩාවට කල්ලියේ මූල්‍ය ප්‍රවාහ නැවැත්වීමට ඔටාවා පරිපාලනය සමඟ කටයුතු කරන බව පවසා තිබිණි.
නව තහනම මඟින් කැනඩාවේ බලධාරීන්ට දේපළ අත්පත් කර ගැනීමට සහ ගිණුම් කැටි කිරීමට ඉඩ සැලසෙන අතර, කැනඩාවේ ඉන්දියානු ඩයස්පෝරාවේ ප්‍රමුඛ සාමාජිකයින් ඉලක්ක කරගත් අපරාධවලට එරෙහිව සටන් කිරීමට අවස්ථාව හිමිවේ.ජාත්‍යන්තර පාලන නවෝත්පාදන මධ්‍යස්ථානයේ ජ්‍යෙෂ්ඨ සාමාජිකයෙකු වන වෙස්ලි වෝක් මීට පෙර පවසා තිබුණේ ත්‍රස්තවාදී ලැයිස්තුගත කිරීමකින් කල්ලිය නතර කළ නොහැකි බවයි. මන්ද කැනඩාවේ ප්‍රධාන ගැටළුව අපරාධ බුද්ධි තොරතුරු රැස් කිරීමේ ධාරිතාව නොමැතිකමයි යනුවෙන් ඔහු අවධාරණය කර ඇත.
