2020 සිට වොෂින්ටන් ඩීසී හි කැනඩාව නියෝජනය කරන ඉහළම නියෝජිතවරිය ලෙස සේවය කිරීමෙන් පසු, නව වසරේ දී තමන් සිය රාජ්ය තාන්ත්රික තනතුරෙන් ඉවත් වන බව එක්සත් ජනපදයේ කැනඩා තානාපති කර්ස්ටන් හිල්මන් පසුගිය අඟහරුවාදා පැවසීය.
ඇයගේ ආදේශකයා මාර්ක් වයිස්මන් වනු ඇති බව රජයට සමීප ආරංචි මාර්ග දෙකක් පවසයි. වයිස්මන් 55 හැවිරිදි මූල්යකරුවෙකු වන අතර ඔහු අගමැති මාර්ක් කාර්නිගේ සමීප මිතුරෙකු බව කියනු ලැබේ.
හිල්මන්ගෙන් පසු වයිස්මන් එක්සත් ජනපද තානාපති ධුරයට පත්වන බව අගමැති කාර්යාලය තහවුරු කරන්නේ හෝ ප්රතික්ෂේප කරන්නේ නැත. නමුත් රජයේ මූලාශ්රයක් පැවසුවේ ඔහු එම තනතුර සඳහා ඹහුව සලකා බලමින් සිටින බවයි.
මේ පිළිබදව හුරුපුරුදු පුද්ගලයින් උපුටා දක්වමින් බ්ලූම්බර්ග් නිවුස් ද වයිස්මන් නව තානාපතිවරයා වනු ඇති බව වාර්තා කළේය.මෙම වසරේ ට්රම්ප් පරිපාලනය සමඟ නව වෙළඳ ගිවිසුමක් සඳහා වරින් වර සිදුවන, ඇතැම්විට නොසන්සුන් සාකච්ඡා මෙහෙයවීමට හිල්මන් උදව් කර ඇත.
“මම ගෙදර ඇවිත් මගේ ඊළඟ පියවර ගැන වැඩි විස්තර බෙදා ගන්න බලාපොරොත්තු වෙනවා,” ඇය X හි පළ කළ නිවේදනයක සඳහන් කළාය.
හිල්මන්ට සමීප මූලාශ්රයක් පැවසුවේ ඇය 2026 දී තනතුරින් ඉල්ලා අස්වන බවට මෙම වසර මුලදී තීරණය කළ බවයි. තවද එම මූලාශ්රය වැඩිදුරටත් පැවසුවේ ඇගේ මූලික සැලසුම වී තිබුණේ 2026 මැද භාගයේදී තනතුරින් ඉල්ලා අස්වීමටයි.එහෙත් ඇය සහ කාර්නි ලබන වසරේ මුල් භාගයේදී ඉවත් වීම වඩාත් සුදුසු බව තීරණය කළේ කැනඩාව, එක්සත් ජනපදය සහ මෙක්සිකෝව අතර ඔවුන්ගේ නිදහස් වෙළඳ ගිවිසුම නැවුම් කර යාවත්කාලීන කිරීම සඳහා වන ත්රි-මාර්ග සාකච්ඡා ජූලි මාසය වන විට සම්පූර්ණයෙන් සිදුවිය හැකි බැවිනි.
ජනවාරි හෝ පෙබරවාරි මාසවල පිටත්ව යාම නව තානාපතිවරයෙකුට එම වෙළඳ සාකච්ඡා සඳහා සූදානම් වීමට කාලය ලබා දෙන බවට හිල්මන් සහ කාර්නි යන දෙදෙනාම එකඟ වූ බව ආරංචි මාර්ග පවසයි.”මෑතකදී, කැනඩාව-ඇමරිකානු සම්බන්ධතාවය නැවත ලියැවෙමින් පවතින විට, අගමැති කාර්නිගේ ශක්තිමත් නායකත්වයට සහ ඔහු මා කෙරෙහි තබා ඇති විශ්වාසයට මම බෙහෙවින් කෘතඥ වෙනවා,” හිල්මන් ඇගේ ප්රකාශයේ ලියා තිබේ.
