පාකිස්ථාන ජාත්යන්තර ගුවන් සේවයට අයත් ගුවන් යානයක් ටොරොන්ටෝ වෙත ගොඩබෑමෙන් පසු එහි මුළු කාර්ය මණ්ඩලයම බලධාරීන්ට යටත් වූ බවට පලවන වාර්ථා අසත්යය බව කැනඩා දේශසීමා සේවා ඒජන්සිය පවසනවා.පසුගිය සතියේ සමාජ මාධ්යවල පැතිර ගිය කටකතාවලින් කියැවුණේ කාර්ය මණ්ඩල සාමාජිකයින් කැනඩාවේ සරණාගතභාවය සඳහා ඉල්ලුම් කළ බවත්, එහි ප්රතිඵලයක් ලෙස ගුවන් සමාගම කැනඩාව සහ පාකිස්තානය අතර සෘජු ගුවන් ගමන් අත්හිටුවා ඇති බවයි.කැනඩා දේශසීමා සේවා ඒජන්සිය පැවසුවේ එම ප්රකාශ තහවුරු කිරීමට නොහැකි වූ අතර, ගුවන් ගමන් ලුහුබැඳීමේ දත්තවලින් පෙනී යන්නේ දෙරට අතර ගුවන් ගමන් සුපුරුදු පරිදි ක්රියාත්මක වන බවයි.
මේ සතියේ, ටොරොන්ටෝ පියර්සන් ජාත්යන්තර ගුවන්තොටුපළේ නැවතුමක් අතරතුර පාකිස්තාන ජාත්යන්තර ගුවන් සේවයට අයත් ගුවන් යානයක කාර්ය මණ්ඩලය අතුරුදහන් වූ බවට සමාජ මාධ්ය කටකතා පැතිර ගියේය.”පැය දෙකක නැවතුමකින් පසු ගුවන් යානය ඉස්ලාමාබාද් වෙත ආපසු යාමට නියමිතව තිබුණි. කෙසේ වෙතත්, අවාසනාවකට මෙන්, නියමුවන් ඇතුළු ගුවන් යානයේ මුළු කාර්ය මණ්ඩලයම බලධාරීන්ට යටත් වී සරණාගතභාවය ඉල්ලා සිටියහ,” යනුවෙනි. ඒ වනවිටත් ඊට ලයික් 17,000 ක් සහ නැරඹුම් මිලියන 2.9 ක් පමණ තිබූ අතර,සටහන කලින් ට්විටර් ලෙස හැඳින්වූ X වේදිකාවේ හුවමාරු වෙමින් පැවතිණි.
“එහි ප්රතිඵලයක් ලෙස, නව නියමුවන් කැඳවන ලද අතර, පකිස්ථාන ගුවන් යානා තවදුරටත් කැනඩාවට සෘජු ගුවන් ගමන් ක්රියාත්මක නොකරනු ඇත,” යනුවෙන් X සටහනේ වැඩිදුරටත් සඳහන් විය. අනෙකුත් සමාජ මාධ්ය භාවිතා කරන්නන් X , Instagram සහ Facebook හි එම ප්රකාශය නැවත නැවතත් පල කෙරිණි .
මේ අතර ගුවන් සේවා කාර්ය මණ්ඩලය කැනඩාවේ සරණාගතභාවය සඳහා අයදුම් කිරීම සඳහා තම ගුවන් යානයෙන් පිටව ගිය බවට කිසිදු සාක්ෂියක් නොමැත.”කැනඩා දේශසීමා සේවා ඒජන්සියට මෙම ප්රකාශ සනාථ කිරීමට නොහැකි වී තිබේ,” ඒජන්සි ප්රකාශකයෙක් විද්යුත් ලිපියකින් පවසා තිබිණි. ටොරොන්ටෝ පියර්සන් ගුවන් තොටුපලට අනුව, පකිස්ථාන ජාත්යන්තර ගුවන් සේවය ටොරොන්ටෝ සිට පකිස්ථානයේ අගනුවර වන ඉස්ලාමාබාද් දක්වා සතියකට එක් ගුවන් ගමනක් ක්රියාත්මක කරයි.
ගුවන් තොටුපළ වෙබ් අඩවියේ දැක්වෙන්නේ පසුගිය සිකුරාදා සවස 6:30 ට ඉස්ලාමාබාද් සිට පැමිණීමට නියමිත ගුවන් යානයක් ඇති බවයි . එය ටොරොන්ටෝ වෙත ගුවන් ගමන් අත්හිටුවා ඇති බවට ගුවන් සමාගම කරන ලද ප්රකාශයට පටහැනි විය.ගුවන් ගමන් නිරීක්ෂණ වෙබ් අඩවිය වන FlightAware පෙන්වා දෙන්නේ බ්රහස්පතින්දා සහ සිකුරාදා දිනවල නගර දෙක අතර සෘජු ගුවන් ගමන් සැලසුම් කර ඇති බවයි. .පාකිස්තාන ජාත්යන්තර ගුවන් සේවය (PIA) අතුරුදන් වූ කාර්ය මණ්ඩලයක් පිළිබඳ ප්රකාශ ප්රතික්ෂේප කළ අතර එම කටකතා “අසත්ය” ලෙස හැඳින්වීය.
2024 දී, පකිස්ථාන ජාත්යන්තර ගුවන් සේවය පැවසුවේ පසුගිය වසර එකහමාරක කාලය තුළ ටොරොන්ටෝ හිදී ගුවන් සේවිකාවන් අට දෙනෙකු පමණ අතුරුදහන් වූ බවත්, ඔවුන් කැනඩාවේ සරණාගතභාවය පතා ඇති බවට විශ්වාස කරන බවයි.එක් ගුවන් සේවිකාවක් 2024 දී අතුරුදහන් වීමට පෙර ඇගේ ටොරොන්ටෝ හෝටල් කාමරයේ “ස්තූතියි”යනුවෙන් සටහනක් තබා තිබිණි .
මේ වසරේ නොවැම්බර් මාසයේදී, අසනීප තත්ත්වයක් පවසමින් ටොරොන්ටෝ සිට පකිස්ථානයේ ලාහෝර් දක්වා ආපසු පැමිණි ගුවන් යානයකට ගුවන් සේවිකාවක් ගොඩ නොවීම සම්බන්ධයෙන් විමර්ශනයක් පවත්වන බව ගුවන් සමාගම පැවසීය .මෙම අතුරුදහන් වීම් සඳහා කැනඩාවේ “ලිබරල් සරණාගත” ප්රතිපත්ති හේතු වන බව ගුවන් සේවයේ ප්රකාශකයෙකු පැවසූ බව ද මාධ්ය හරහා වාර්තා කළේය .
ගුවන් සේවය ටොරොන්ටෝ බලා යන ගුවන් ගමන් වල කාර්ය මණ්ඩලය යොදවන්නේ පාකිස්තානයට ස්ථිර සම්බන්ධතා ඇති කාර්ය මණ්ඩල සාමාජිකයින් පමණක් වන අතර තනි කාර්ය මණ්ඩල සාමාජිකයින් හෝ ස්ථාපිත පවුල් සබඳතා නොමැති අය යෙදවීමෙන් වළකින බවද 2024 දී වාර්තා කළේය.
කැනේඩියානු ආගමන නීතිඥයෙකු ගුවන් විදුලි නාලිකාවට පැවසුවේ අතුරුදහන් වූ ගුවන් සේවිකාවන් දෙදෙනෙකු වෙනුවෙන් පෙනී සිටි බවත්, ඔවුන් ස්ත්රී පුරුෂ භාවය සහ ආගමික හිංසනය මෙන්ම ගෘහස්ථ හිංසනයට අදාළ හිමිකම් සඳහා රැකවරණය පැතූ බවයි.
