විෂ මත්ද්රව්ය සමඟ කටුනායක ගුවන් තොටුපොළේදී භික්ෂුන් පිරිසක් අත්අඩංගුවට පත්වීම සහ ඊට අදාළ විමර්ශන මෙන්ම, ඒ හමුවේ මතු වී ඇති තත්ත්වය පිළිබඳ සාකච්ඡාවක් ත්රෛනිකායික මහා සංඝරත්නයේ ප්රධානත්වයෙන් ජනාධිපති අනුර කුමාර දිසානායක මහතාගේ සහභාගිත්වයෙන් පසුගිය (28)වැනිදා පස්වරුවේ ජනාධිපති කාර්යාලයේදී පැවැත්විණි.
මේ වන විට විෂ මත්ද්රව්ය උවදුර ජාතික ව්යසනයක් බවට පත්ව තිබීම මෙම සිදුවීම සමඟ මනාව තහවුරු වන බව මෙහිදී පෙන්වා දුන් ජනාධිපතිවරයා, එබැවින් විෂ මත්ද්රව්යවලට එරෙහිව රජය ආරම්භ කර තිබෙන වැඩපිළිවෙළ සමඟ සියලු දෙනා වඩා ශක්තිමත්ව අත්වැල් බැඳ ගැනීමේ අවශ්යතාව අවධාරණය කළේය.
රට ආර්ථික සහ සමාජයීය වශයෙන් නව පරිවර්තනයක් කරා ගෙන යාමේ වැඩපිළිවෙළෙහිදී සම්බුද්ධ සසුන සහ ඒ සමඟ ගොඩනැඟී ඇති හර පද්ධතිය ආරක්ෂා කර ගැනීමට ප්රමුඛතාව ලබා දී කටයුතු කිරීම රජයේ අභිප්රාය බවද ජනාධිපතිවරයා වැඩිදුරටත් අවධාරණය කළේය.
මුළු මහත් සමාජයම කම්පාවට පත් කරමින් සිදු වූ මෙම සිදුවීමට අදාළව මතුවී ඇති තත්ත්වය සහ විමර්ශන ක්රියාවලිය පිළිබඳ මෙහිදි පොලිස්පතිවරයා මෙහිදී කරුණු පැහැදිලි කළේය.
මෙම සිදුවීමට අදාළව මහානායක හිමිවරු මේ වන විටත් නිවේදනයක් නිකුත් කර තිබෙන අතර, එය සමස්ත සංඝ සමාජයේ පණිවිඩය ලෙස සලකා කටයුතු කරන ලෙස මෙහිදී මහා සංඝරත්නය රජයෙන් සහ ජනතාවගෙන් ඉල්ලා සිටියහ.
එමෙන්ම, වත්මන් ප්රවණතා සමඟ සංඝ සමාජය ආරක්ෂා කර ගැනීම භික්ෂු වහන්සේට පමණක් සිදු කළ නොහැකි බවත්, ඒ සඳහා රජයේ සහාය අවශ්ය බවත් උන්වහන්සේ පෙන්වා දුන්හ.
සම්බුද්ධ ශාසනයේ චිරස්ථිතිය වෙනුවෙන් ගත යුතු ඉදිරි පියවර මෙන්ම විහාර දේවාලගම් පනත ආදී පනත් සංශෝධනය සහ නෛතික ප්රතිපාදනවල සිදු කළ යුතු වෙනස්කම් පිළිබඳවද මෙහිදී දීර්ඝ ලෙස සාකච්ඡා කෙරිණි.
මල්වතු මහා විහාර පාර්ශවයේ අනුනායක අතිපූජ්ය නියංගොඩ ශ්රී විජිතසිරි, අස්ගිරි මහා විහාර පාර්ශ්වයේ අනුනායක අතිපූජ්ය නාරම්පනාවේ ශ්රී ආනන්ද, ඓතිහාසික සෝමාවති රජමහා විහාරාධිපති පූජ්ය ආචාර්ය පහමුනේ ශ්රී සුමංගල, පූජ්ය මහවෙල ශ්රී රතනපාල, පූජ්ය වෙලගෙදර ශ්රී සුමනජෝති , පූජ්ය ආචාර්ය මැදගම ශ්රී ධම්මානන්ද , පූජ්ය ආචාර්ය මුරුද්දෙණිය ශ්රී ධම්මරතන, පූජ්ය අත්තංගනේ රතනපාල, පූජ්ය අත්තංගනේ ශාසනරතන , පූජ්ය සුහදගම අනුරුද්ධ , ශ්රී ලංකා අමරපුර මහා නිකායේ මහා ලේඛකාධිකාරී රාජකීය පණ්ඩිත දර්ශනපති පූජ්ය බලපිටියේ සිරිසීවලී, නියෝජ්ය ලේඛකාධිකාරී ශාස්ත්රපති පූජ්ය අහංගම මෛත්රීමූර්ති යන ස්වාමීන්වහන්සේ ඇතුළු ත්රෛනිකායික මහා සංඝරත්නයද, මහජන ආරක්ෂක සහ පාර්ලිමේන්තු කටයුතු අමාත්ය ආනන්ද විජේපාල, බුද්ධශාසන, ආගමික සහ සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි, ජනාධිපති ලේකම් ආචාර්ය නන්දික සනත් කුමානායක, මහජන ආරක්ෂක අමාත්යාංශයේ ලේකම් රවී සෙනෙවිරත්න, නීතිපති පාරින්ද රණසිංහ, පොලිස්පති ප්රියන්ත වීරසූරිය යන මහත්වරුන් සහ ආරක්ෂක අංශයේ ජ්යෙෂ්ඨ නිලධාරීහු පිරිසක් මෙම අවස්ථාවට එක්ව සිටියහ
මේ අතර මත්ද්රව්ය තොගයක් සමග කටුනායක ගුවන්තොටුපොළේදී අත්අඩංගුවට ගැනුණු වීවරධාරීන් විසිදෙදෙනාව මෙහෙය වූ ප්රධාන චීවරධාරී සැකකරු මැයි 2වනදා දක්වා, දින 7ක් රඳවාගෙන ප්රශ්න කිරීමට නියෝග කර තිබේ.
සැකකරු පසුගිය (27) වැනිදා මීගමුව අධිකරණයට ඉදිරිපත් කළ අවස්ථාවේදී මීගමුව අතිරේක මහේස්ත්රාත් සුභානි අබේසේකර මහත්මිය විසින් මෙම නියෝගය ලබා දී තිබුණි.
කඩවත රම්මුතුගල ශ්රී පුන්යා ලංකාරාම විහාරයේ, අගුණුකොලේ අමිතානන්ද නම් මෙම චීවරධාරියා තායිලන්තයේ සිට ගෙන ආ මත්ද්රව්ය තොගය කටුනායක ගුවන්තොටුපොළේදී භාරගැනීමට සුදානම්ව සිට ඇති බවද සඳහන් වේ.
මත්ද්රව්ය සමඟ චීවරධාරීන් විසිදෙදෙනා කටුනායක ගුවන්තොටුපොළේදී අත්අඩංගුවට ගැනීමත් සමඟ මෙම ප්රධාන චීවරධාරියා එම ස්ථානයෙන් පලාගොස් මිරිස්වත්ත ප්රදේශයේ සැඟව සිට ඇත.
එහිදී පසුගිය (26) වැනිදා පෙලීසිය විසින් සැකකරුව අත්අඩංගුවට ගෙන තිබුණි.
අමිතානන්ද නම් මෙම චීවරධාරියාගේ වෛද්ය වාර්තා අනුව ද ඔහු එම අවස්ථාවේදී ද මත්ද්රව්ය පානය කර සිට ඇති බව හෙළි වී තිබේ.
එමෙන්ම අනෙකුත් චීවරධාරීන් පිරිස තායිලන්තයට යැවීම ද මෙම සැකකරු විසින් මෙහෙයවා ඇති බවත් ඔවුන් සම්බන්ධකරගත් Whatsapp ගිණුම ද මොහු විසින් ම මෙහෙයවා ඇති බවත් අධිකරණයේදී අනාවරණය වී ඇත.
රුපියල් කෝටි 110කට අධික වටිනාකමින් යුත් “කුෂ් ” සහ” හෑෂ් ” නැමැති මත්ද්රව්ය කිලෝ 112ක් ඉතාම කූඨ ලෙස ගමන් මළුවල සඟවමින් මෙම චීවරධාරීන් විසිදෙදෙනා විසින් මෙරටට ගෙනවීත් තිබුණි.
