රංගිරි දඹුල්ල අන්තර්ජාතික ක්‍රිකට් ක්‍රීඩාංගණයේ පැවැත්වෙන අන්තර්ජාතික තරග නැරඹීම සඳහා ප්‍රේක්ෂකයන්ට ගස් මුදුන්වලට නැගීම තහනම් කිරීමට තීරණයක් ගෙන ඇතැයි වාර්තා වේ.
රංගිරි දඹුල්ල අන්තර්ජාතික ක්‍රිකට් ක්‍රීඩාංගණ කළමනාකාරීත්වයේ අභ්‍යන්තර ආරංචි මාර්ග අනුව, ප්‍රවේශපත්‍ර නොමැතිකම හේතුවෙන් ආපසු හැරී ගිය ප්‍රේක්ෂකයෝ තරඟ නැරඹීමට වාසිදායක ස්ථානයක් ලෙස ක්‍රීඩාංගණයේ ‘එෆ්’ කලාපයේ පිහිටි උස ගස් වෙත නැග තරග නැරඹීමට පුරුදුව සිටිති. .
කෙසේවෙතත්, ප්‍රේක්ෂකයන්ට දඹුල්ල ක්‍රීඩාංගණයේ ‘එෆ්’ කලාපයේ පිහිටි ගස්වලට නැගීමට නොහැකි වන පරිදි බාධක ඉදිකරමින් ඔවුන්ගේ ක්‍රියාවෙන් සිදුවන අනතුර පිළිබඳ දැනුවත් කිරීම සඳහා පුවරු සවි කිරීමට දඹුල්ල ක්‍රීඩාංගණ නිලධාරීන් තීරණය කර ඇත.දඹුල්ල ක්‍රීඩාංගණයේ කළමනාකාරීත්වයේ නිලධාරියකු පවසා ඇත්තේ ඉහත කලාපයේ පිහිටි කොහොඹ ගසක් එහි සේවකයන් විසින් දැනටමත් උදුරා දමා ඇති බවයි.
තරග නැරඹීම සඳහා ප්‍රේක්ෂකයන් නිරන්තරයෙන් නැඟුණු ඒ අසල පිහිටි මයිල ගසක් ද මේ වන විට අවදානම් තත්ත්වයක පවතින අතර එය කඩා වැටීමේ අවදානමකට ලක්ව ඇති බව ද ඔහු සඳහන් කර තිබේ.ඔහුට අනුව ශ්‍රී ලංකාව සහ නවසීලන්තය අතර පළමු එක්දින තරගය පැවැති පසුගිය (13 වැනිදා) සිට ප්‍රේක්ෂකයන් ගස් මුදුන්වලට නැගීම වැළැක්වීමේ ක්‍රියාමාර්ග ක්‍රියාත්මක කර ඇත.
