මගේ අවසාන ලිපියෙන් මම කැනඩාවේ ස්ථිර පදිංචිය පිළිබඳ ක්‍රියාවලිය ගැන සාකච්ඡා කලා.
මෙම ලිපියෙන් මම සාකච්ඡා කිරීමට යන්නේ කැනේඩියානු පුරවැසිභාවය පිළිබඳ ක්‍රියාවලිය.
ඊට පෙර, අපි කැනඩාවේ වත්මන් යාවත්කාලීන ආගමන ක්‍රියාවලිය(current immigration updates) ගැන බලමු.
1. 2024 අගෝස්තු 28 වන දින සිට, වහාම ක්‍රියාත්මක වන පරිදි, කැනේඩියානු රජය (Immigration, Refugees and Citizenship Canada) නිවේදනය කළේ, කැනඩාව තුළ සිට වැඩ බලපත්‍රයක්(Work Permit) සඳහා අයදුම් කිරීමට අමුත්තන්ට අවසර දුන් තාවකාලික පොදු ප්‍රතිපත්තිය අවසන් කරන බවයි. මෙම ප්‍රතිපත්තිය මුලින් 2025 පෙබරවාරි 28 වැනි දින අවසන් වීමට සකසා තිබුණි.
2. මින්පසු කැනේඩියානු රජයේ (Immigration, Refugees and Citizenship Canada), නව නීතිවලට අනුව වසර 10ක බහු-ප්‍රවේශ වීසා(10 year multiple visa) ස්වයංක්‍රීයව නිකුත් කිරීම අවසන් කිරීමට තීරණය කර ඇත. නව නීති යටතේ, වීසා නිලධාරීන් තනි හෝ බහු ප්‍රවේශ වීසා බලපත්‍රයක් නිකුත් කරන්නේද නැද්ද යන්න සහ එහි වලංගු කාලසීමාව තීරණය කිරීම අයදුම්කරුවන් ඒක පුද්ගල පදනම මත තක්සේරු කර තීරණය කරනු ලැබේ.
3. සැප්තැම්බර් 26 වෙනිදා සිට අඩු වැටුප් සහිත තාවකාලික විදේශ ශ්‍රමිකයින් 50% කින් කපා හැරීම – මෙම තීරණය බොහෝ දුරට බලපානු ඇත්තේ සංක්‍රමණිකයන් සූරාකෑම සඳහා මෙම වැඩසටහන අනිසි ලෙස භාවිතා කිරීමට බදුන් වන ඉන්දියානු සහ දකුණු ආසියානු සංක්‍රමණිකයන්ටයි. මෙම තීරණය පිටුපස ඇති හේතුන් අතර කැනේඩියානු විරැකියා අනුපාතය 6.4% දක්වා ඉහළ යාම(එයින් අදහස් වන්නේ කැනේඩියානුවන් මිලියන 1.4 ක් රැකියාවෙන් බැහැරව සිටීමයි), සහ කැනේඩියානුවන් නිවාස අර්බුදයකට මුහුණ දී සිටීම ප්‍රධානම හේතු දෙකක් වෙනවා.
4. ජාත්‍යන්තර සිසුන්ගේ අධ්‍යයන බලපත්‍ර(Study Permits) 2024 සිට 2025 දක්වා 10% කින් අඩු කෙරේ-485000 වැඩ බලපත්‍ර(Work Permits) 437000 දක්වා අඩු වනු ඇත. දත්ත පෙන්වා දෙන්නේ මේ වසරේ කැනඩාවේ සරණාගතභාවය සඳහා ජාත්‍යන්තර සිසුන් 13000 ක් ඉල්ලුම් කර ඇති බවයි. එසේම, ඔවුන් කැනඩාවට ඉතා බරක්ව ඇති අතර ජාත්‍යන්තර සිසුන්ගේ PGWP(Post Graduate Work Pmt) කැනේඩියානු විරැකියා අනුපාතයෙන් 6%ක් සඳහා එක් හේතුවකි.
https://www.cbc.ca/news/politics/inernational-student-permits-canada-1.7326996
5. ඉදිරි වසර 3 තුළ ජාත්‍යන්තර සිසුන්ගේ විවාහක විවෘත රැකියා බලපත්‍ විශාල ලෙස අඩු කිරීමට කැනඩාව අරමුණු කරගෙන සිටිනවා. මෙම කප්පාදු කිරීමේ සංඛ්‍යාව 100,000 ක් පමණ වන බවයි රජය පවසන්නේ.
5. නමුත් කැනේඩියානු රජය මෙහෙයවන විශේෂිත උසස් වැඩසටහන් වල ඉහළ කුසලතා ඇති සිසුන්ට මෙය නොබලපානු ඇත. ශාස්ත්‍රපති වැඩසටහන්වල සිටිනා ශිෂ්‍යන්ගේ අධ්‍යයන කාලය මාස 16ක් නොවේ නම්, කාලත්‍රයාට(spouse) රැකියා බලපත්‍ර නොලැබේ. නමුත් නම් කරන ලද ඉගෙනුම් ආයතනවල ආචාර්ය උපාධි හෝ තෝරාගත් මාස්ටර් වැඩසටහන් වල සිසුන්, මේ වැඩ බලපත්‍ර සඳහා සුදුසුකම් ලබයි.
Canada further reducing the number of international student permits | Power & Politics
මෙම සියලු තීරණ පිටුපස ඇති අරමුණ වන්නේ කැනේඩියානු ජනගහනයෙන් 5% දක්වා තාවකාලික පදිංචිකරුවන්ගේ ජනගහනය අඩු කිරීමටයි.
දැන් අපි කැනඩාවේ කැනේඩියානු පුරවැසිභාවය ගැන සාකච්ඡා කරමු.
කැනේඩියානු පුරවැසිභාවය ලබා ගන්නේ කැනේඩියානු රජයේ නීතිමය අවශ්‍යතා සපුරාලීමෙනි.
දැන් අපි කැනේඩියානු පුරවැසියෙකු වීමේ වාසි සාකච්ඡා කරමු.
1. PR කාඩ්පත් සෑම වසර 5 කට වරක් අලුත් කළ යුතු නමුත් පුරවැසියන්ට ඔවුන්ගේ තත්ත්වය අලුත් කිරීමට අවශ්‍ය නැත.
2. කැනේඩියානු පුරවැසියන්ට ස්ථිර පදිංචිකරුවන්ගේ සියලු ප්‍රතිලාභ සහ බැඳීම් ඇති අතර එම ප්‍රතිලාභ සියල්ලටම වඩා, කැනේඩියානු පුරවැසියන්ට ෆෙඩරල්, පළාත් සහ මහ නගර සභා මැතිවරණවලදී ඡන්දය ප්‍රකාශ කළ හැකි අතර කැනඩාවේ විවිධ මට්ටමේ රජයේ දේශපාලන කාර්යාල සඳහා තරඟ කළ හැකිය.
3. කැනේඩියානු පුරවැසියන්ට කැනේඩියානු විදේශ ගමන් බලපත්‍රයක් තිබීමේ වරප්‍රසාදය තිබෙන අතර ජාත්‍යන්තර ගමනාන්ත 185කට වීසා ගාස්තු නොගෙවා ගමන් කළ හැක. ඕනෑම රටකට පහසුවෙන් ඇතුල්වීමේ සහ පිටවීමේ වරප්‍රසාදයද මේ ගමන් බලපත්‍රය මගින් ලැබෙන ඉතා වටිනා වරප්‍රසාදයකි.
4. කැනේඩියානු පුරවැසිභාවයට අවම බලපෑම් ඇතිව කැනේඩියානු පුරවැසියන්ට විදේශගතව සිටීම සඳහා නීති වඩාත් පහසු වේ.
5. ඔබට තේරී පත් නොවූ රජයේ රැකියා සහ ආරක්ෂක නිෂ්කාශනයක්(security clearance) අවශ්‍ය ඒවා සඳහා අයදුම් කළ හැකිය.
6. වෙනත් රටක ලේඛන සහ බඩු බාහිරාදිය අහිමි වීම, හදිසි ආධාර අවශ්‍ය වීම වැනි ගැටළු වලට ඔබ මුහුණ දෙන්නේ නම්, ඔබට රටවල් 100ක් පුරා කොන්සියුලර් සහාය ලබා ගත හැක.
7. නොමිලේ අධ්‍යාපනය සහ සෞඛ්‍ය සේවා වැනි නිමක් නැති අවස්ථා විවෘත කරන කැනේඩියානු පුරවැසිභාවය ඔබේ දරුවන්ට ස්වයංක්‍රීයව ලැබෙනු ඇත.
8. ඔබ යම් පළාතක ජීවත් වීමට සහ වැඩ කිරීමට පමණක් සීමා නොවේ. රටේ ඕනෑම පලාතක ජීවත් වීමට සහ වැඩ කිරීමට ඔබට අවකාශ ලැබේ.
කැනේඩියානු පුරවැසියන්ට මෙම සියලු ප්‍රතිලාභ ලැබෙන අතර ඒ වෙනුවට කැනඩාව තම පුරවැසියන්ගෙන් බලාපොරොත්තු වන්නේ රටේ නීතිවලට අවනත වී රට සතුරන්ගෙන් ආරක්ෂා කර ගැනීමයි.
දැන් බලමු ඔබ කැනේඩියානු පුරවැසිභාවය ලබා ගන්නේ කෙසේදැයි කියලා.
1. ඔබ අයදුම් කළ දිනට පෙර වසර පහ තුළ ඔබ අවම වශයෙන් දින 1,095 ක් කැනඩාවේ භෞතිකව සිටිය යුතුයි
2. පුරවැසිභාවයට අයදුම් කිරීමට ඔබ ස්ථිර පදිංචිකරුවෙකු විය යුතුමයි.
3. ඔබ පසුගිය වසර 5න් 3ක්ම කැනඩාවේ ජීවත්ව සිටිය යුතුයි.
4.ඔබ ඔබේ බදු ගොනු කර තිබිය යුතුයි-Filing Taxes..
5. ඔබ ඔබේ භාෂා කුසලතා ඔප්පු කල යුතුයි.
6. ඔබ පුරවැසි පරීක්ෂණයෙන් සමත් වී සම්මුඛ පරීක්ෂණයට යා යුතුයි.
7. ඔබ පුරවැසිභාවය පිළිබඳ දිවුරුම් දිය යුතුයි.
පුරවැසි ගාස්තු සදහා අයදුම් පත් ගාස්තු වන්නේ:
• වැඩිහිටියන් $630
• බාලවයස්කාර $100
පුරවැසිභාවය සදහා පරීක්ෂණය:ඉංග්‍රීසි හෝ ප්‍රංශ භාෂාවෙන් පවත්වන අතර ඒ සදහා මිනිත්තු 45ක කාලයක් ලබාදෙනවා.
• පරීක්ෂණයට බහුවරණ හෝ සත්‍ය හෝ අසත්‍ය ප්‍රශ්න 20ක් තිබෙනවා.
• ප්‍රශ්න කැනේඩියානු පුරවැසියන්ගේ අයිතිවාසිකම් සහ වගකීම් පිළිබඳ දැනුම විමසනවා.
• ඒ වගේම පරීක්ෂණයට කැනඩාවේ ඉතිහාසය, භූගෝල විද්‍යාව, ආර්ථිකය, රජය, නීති සහ සංකේත පිළිබඳ ප්‍රශ්නද ඇතුලත් වෙනවා.
• ඔබ වයස අවුරුදු 18 ට අඩු නම්, ඔබට පරීක්ෂණයට පෙනී සිටීමට හෝ සම්මුඛ පරීක්ෂණයකට යාමට අවශ්‍ය නැහැ.
• ඔබ වයස අවුරුදු 54 ට වැඩි නම්, ඔබ පුරවැසි පරීක්ෂණයට පෙනී සිටීමට අවශ්‍ය නොවන නමුත් සම්මුඛ පරීක්ෂණයට මුහුණ දිය යුතුයි.
කැනේඩියානු පුරවැසිභාවය අවලංගු කල හැකිද? ඔව්, කැනේඩියානු පුරවැසිභාවය ලබා දීමෙන් පසු යම් පුද්ගලයෙක් අපරාධ ක්‍රියාවන්හි යෙදෙන්නේ නම් හෝ මහජන ආරක්ෂාවට තර්ජනයක් වන්නේ නම් කැනේඩියානු පුරවැසිභාවය අවලංගු කරන්න රජයට නීතිමය වශයෙන් හැකියාවක් ලැබෙනවා. කැනේඩියානු සමාජයේ සාරධර්ම ආරක්ෂා කිරීමට සහ නීතියට අවනත වීමට පුරවැසියන්ගේ අඛණ්ඩ වගකීම මෙයින් අවධාරනය කරයි.
Apply for citizenship
නියැදි පරීක්ෂණ ප්‍රශ්න(Sample Test questions)
මේ ලිපිය හා බැදුණු මාගේ යූ ටියුබ් වැඩසටහන සදහා පහත දිගුවෙන් ඔබට පිවිසෙන්නට පුළුවන්
මගේ මීළඟ ලිපියෙන්, මම කැනඩාවේ වත්මන් සංක්‍රමණික තත්ත්වය ගැන කතා කිරීමට බලාපොරොත්තු වෙනවා.
මෙම විද්යුත් පුවත්පතට හෝ රචිකාවට කිසිදු කැනඩා රජයේ නියෝජිතායතනයකට, පෞද්ගලික ආයතනයකට හෝ ආගමන නීතිවේදීන්ට සම්බන්ධයක් නැත. මෙම ලිපියේ ඇතුලත් තොරතුරු ලිපිය රචනා කල දිනයේ පොදු තොරතුරැ වන අතර, ඒවා අන්තර්ජාලයේ විවිධ සබැඳි වලින් එකතු කර ඇත. එබැවින් යවත්කාලීන තොරතුරු සදහා අන්තර්ජාලය පිරික්සන්න.එසේම ඔබේ විශේෂ සංක්‍රමණ අවශ්‍යතා සඳහා කරුණාකර විශේෂඥ ආගමන නීතීඥවරයෙකු හෝ උපදේශකයෙකු අමතන්න.
