සිහින මායාව
අලස වූ
නිදිගත් මනස තුළ
සිහින මායාවට ඇලී
අත් දකී
විවිධ වූ වින්දනයන්
අවදි වූ මනස තුළ
ඇත තවත් සිහිනයන්
විවිධ වූ විවිධ වූ
දකින දේ
මේ මොහොතේ
අසන දේ
මේ මොහොතේ
දැනෙන දේ
මේ මොහොතේ
අතීතය වේ
ඊ ළඟ මොහෙතේ
අතීතය සිහිනයකි
සිහින වූ අතීතය
අත් දකින මේ මොහොත
පවතින මේ මොහොත
වේ පදනම අනාගතයට
අනාගත මායාව
නොපවතින අනාගතය
ගැන සිතයි නිරන්තර
තවත් සිහිනයකි එය
සැරිසරන සිහින ලොව
මායාවකි නිරන්තර
පමණමයි මේ මොහොත
පවතින්නේ හැමදාම
අතීතය මායාවකි සිහිනයකි
මායාවකි සිහිනයකි අනාගතයත්
පවතී මේ මොහොත පමණක්
වටහා ගන්නට මෙවන්
අවැසි වේ සිහි නුවණ
කළණ දිසානායක
Windsor – Canada
අප්පච්චි …….
කදුළු හංගන් හිත් කොනේ
තාත්තලා ඇත සිව්කොනේ
තුරුල්ලේ නැති වුණත් දරුවන්
බැල්ම ඇත තවමත් හිතේ
බැල්ම ඇත හැමදා හිතේ
සූ විසි පැයේ වෙහෙසෙන අම්මලා
ගෙදර සකසුරුවම් කලා
දා බිංදු රැස නිති වගුරලා
තාත්තලා බර පැන සොයා
තාත්තලා ඇත වෙහෙසිලා
සුමේ කරනා තුන්යමේ
වින්ද දුක් නම් නිම් නැතේ
අඩලා දොඩලා නොකිව්වට නිති
නැතිද දන්නේ දරුවනේ
නැහැනෙ දන්නේ දරුවනේ
තුරුල්ලේ ඉදහිට හොවා
සෙනෙහේ පානා අප්පලා
හිතේ මහමෙර තරම් රැදි
සෙනෙහෙ ගඟ නැත වියැකිලා
තවම නැත එය වියැකිලා
පිය සෙනේ නැත මතුවෙලා
තාත්තලා ඇත සැඟවිලා
කදුළු කැට නැත මතුවෙලා
දුක දරයි සැප දුක දරා
සැපද දුක සමබර කලා
රුවන් හරිස්චන්ද්‍ර
Toronto – Canada
පෙර මඟ බලමි
දිවි සම හිමියනි
නොසිතු ලෙස ඔබ පිටවුනි
හදගැබ කැලඹුණි
නෙතු යුගෙහි උණු කඳුළ රජවුනි
අසනෙමි කරුණක්
කිමද ඇදුනේ වෙනතක්
සුළු හෝ වරදක්
වුනිද කිවමැන මගෙන් මෙතුවක්
පවසමි රහසක්
ඇදුනු පසු ගව් ගණනක්
සෙනෙහයෙ ලකුණක්
වැඩුනි කුසතුල ලදිමි සතුටක්
තනි වුන දින සිට
පොරකති බඹරු මලවට
සැඟවිල වසනට
දැරුව තැත නොම දනී රට තොට
සිරිදුව සමඟින
පිවිතුරු කමද රැකගෙන
පුතු තුරුලට ගෙන
දිවිය තරණය කලෙමි කඳුළින
පුතු මගෙ පණ නල
නිම කර සතර නිසිකල
දකිනට හසරැළ
දුනිමි ඔවදන් මැදින කඳුළැල
නිසි කල එලබින
පිටවිය කාර බඳිමින
ලැබ දූ දරුවන
වෙසෙන බව දැනගතිමි නිදුකින
දිවියෙහි පැරදුම
දසතින් ලබත් ගැරහුම
හදගැබ රහසෙම
සතුට සමරයි ලැබුව ජයබිම
පාලුය හදවත
වාගෙම තනිවු සඳවත
සීනය විකසිත
ඒවි කියලයි මගේ රන් පුත
පිරිවර සමඟින
දකිනු රිසි යලි එන දින
අතැඟිලි ගනිමින
බලමි පෙරමඟ බොඳවු දෙනෙතින
( පියුම් ගී විරිත ඇසුරෙනි )
දර්ශනි රූපසිංහ
Hamilton – Canada
අඩකුඹුව
හිත පිරෙන සුබ උදැහැනක ඔබ
අඩ සඳක් සේ ඇවිත් හද ගැබ
අඩකුඹුව තිබු මගේ හදවත
විසුරුවයි නිල් අහස විනිවිද
නුඹ ඇවිත් සිත දැවටෙමින්
සිත අනන්තය වෙත ගෙනයමින්
උණුසුමක් අත දවටමින්
ඒ පහස කුටියේ ඉහිරෙමින්
වේගයෙන් සුසුමන් ඇවිත්
නවතාගන්නට බැරි බැවින්
ඉතිරී ගලා ගිය උණුසුමින්
අඩකුඹු කළා හදවත සෙමෙන්
කුසල හාමුදුරුවෝ
Brampton – Canada
බලා ඉමි අදටත් නොනිදා
සරත් සුළං හඩින්
විඩා අදුරු සැදැ සමය
ගත කරන අදටත් මා
සද දෙස බලා හිනැහෙන
හෙන්දිරික්කා මල් සුවදට
පාර පෙන්වු සද රැසින්
තවත් දිනක ලංවෙන්න
පෙර දරන සිතුවිලි ඇමුනුවා
නුඹේ සුවද මා ලගින් ගිලිහි
ගිය මතක
අරුමෙකි අදටත් ඉගිකරන
දෙනුවන් සදේ මුනිවත
සොයන දගකාර කෙහෙරුලි
මදකට සැලුනා
රැයේ අඩන රැහැයි හඩ ලතාවට
තෙත් උනු .. කදුඵ ඵක්කර
තවත් දිනක් සුපුරුදු ලෙස
බලා උන්නා.. නුඹේ නුවන්.. දැක්මට
මාත් අන්ධයි නුඹ මෙන්
රැයේ පිපෙන සෙපාලිකා.. සුවදට
ඵක් කරන්න
බලා ඉමි අදටත් නොනිදා රැය පුරාවට..
ශ්‍යාමලී ගමගේ..
Brampton – Canada
