ආදරයේ වංගුව
මින් පෙර ලියූ ගී සහ කවිවැල් වලට
ලැබුනා ප්රතිචාර කදිමයි එක දිගට
කවියේ රසය දන්නා හඳුනන ඔබට
නැවතත් ලියමි කියවා රසවිඳීමට
“සුභා ” සිටියෙ පාසැල් බසයේ කොළොම්පුරේ
ඉඟි බිඟි පෑවා මා වෙත ඇය නිරන්තරේ
කැමතිද කියලා ඇසුවම නොමැත උත්තරේ
දහ අට වංගුව වාගෙයි ඇයගෙ ආදරේ
ආසයි බයයි සමහර කෙල්ලො වැට උඩයි
මුලදි බැහැ කියයි පසුවට ආදරේ සොයයි
සමහරු ආදරේ බෙදයි එකවර කොල්ලො දෙකතුනයි
සිව්සැට මායම් දමයි කොල්ලන් අන්ත අසරණයි
සිසිල් මාන්නප්පෙරුම
Brampton Canada
මගේ සිහිනයේ හිමිවේදෝ
වැල් පාලමෙන් ආවාදෝ
සඳ සීතලේ තෙමුනාදෝ
තරු මංසලේ හැඩුවාදෝ
මගේ සිහිනයේ හිමිවේදෝ
දේදුනු විලෙන් මතුවේදෝ
හිම ගිරි මුදුනේ සැඟවීදෝ
කෙත්වතු මැදින් ආවාදෝ
සිරිකත මගේ ඔබ කොහිදෝ
මීන නුවන් ඇතිවාදෝ
රිය සක ඔබට පරදීදෝ
දෙව්ලොව සුවේ ගෙන දේදෝ
AI ලියක් දැයි සැකදෝ
රුවන් හරිස්චන්ද්ර
Toronto – Canada
නුඹේ ආදරේ
ඉරිතලා දිවි සයුර අසරණ – විටදි හමුවුණි ලෙසට කවියක්
වියළිලා මිය ඇඳුණු අරණක – මතු කලේ තඹ ළපලු හෙවනක්
හිනැහිලා රළු පරළු හදගැබ – තුළට මැව්වේ නොපැතු පැතුමක්
සඟවලා නුඹ අමිල සෙනෙහස – හිමියනේ කොහි සිටියෙ මෙතුවක්
දෙනෝ දහසක් අතර සිටියද – කොඳුරනා පෙම් වැකිය දෙඇසින්
රැදේ ගැඹුරුම තැනෙහි හදගැබ – සදා නොමැකෙන විලස රහසින්
බිඳේ තනිකම නැගේ මදහස – ලබා දෙන පෙම්වත් වු පහසින්
නැතේ කිසිදින ඉතින් කඳුළැලි – විඳින තුරු දිවි තුරුලෙ සතොසින්
දර්ශනි රූපසිංහ
Hamilton – Canada
ගින්දරී..
නුරා නෙතු කැල්මන්..
බඹර තුඩක පිණි..
වැසුනු ..
ගින්දරී..
නුඹ සොයා..
සිත අඩන..
ප්රේමයේ මෘදු ..
සුවද..
හමා යන සුළං රැල..
හදපුරා නැගෙන..
නුඹේ විලාපය..
හඩ නගා..
නිදිනැති..
තරු ගනින..
සද සිතල..
මැදියමේ කාන්සියට..
ගොඑ වතින්..
සැරසුනු..
පිණිවැස්ස..
මදකට පමාවි..
අහස්තලේ..
ප්රේමයේ..
නිමිනාද නගමින්..
වළාකුඑ මත..
පතිත වන..
මිලින සද..
බලා ඉදි.
ශ්යාමලී ගමගේ..
Brampton – Canada
තවුස් දම්
මුදා තවුස්දම් ඈතට
ගියා ද උතුමනි නුවරට
එදා පෙමින් බැඳුනු සිතට
නිවනක් ලැබුණි ද ඔබ හට
එහෙත් ගලක උණුසුම විඳ
සිසිලක් ඔබ ලබා දුනිද
තවත් පෙමක සිර නොවන්ට
හිත ඔබගේ ගල් වුනා ද ?
කුසල හාමුදුරුවෝ
Brampton – Canada
