එක්සත් ජනපදය සහ සෞදි අරාබිය අතර අමෙරිකානු ඩොලර් බිලියන 142කට ආසන්න වටිනාකමකින් යුත් ආරක්ෂක ගිවිසුමක් අත්සන් කර තිබේ.
ධවල මන්දිරය පවසන්නේ එය ඉතිහාසයේ එවැනි ආකාරයේ විශාලතම ගනුදෙනුව බවයි.ජනාධිපති ඩොනල්ඩ් ට්‍රම්ප්ගේ රියාද් සංචාරය අතරතුර අත්සන් කරන ලද ගිවිසුම, බලශක්ති සහ තාක්ෂණ අංශවල සෞදි ආයෝජන ද ඇතුළත් පුළුල් අමෙරිකානු ඩොලර් බිලියන 600ක පැකේජයක කොටසකි.
එම ගනුදෙනු ‘ඓතිහාසික හා පරිවර්තනීය’ ලෙස විස්තර කරමින් ධවල මන්දිරය අවධාරණය කළේ ඒවා වොෂින්ටනය සහ රියාද් අතර ගැඹුරු වන උපායමාර්ගික හවුල්කාරිත්වයක් පිළිබිඹු කරන බවයි.
සෞදි අගනුවරදී පූර්ණ රාජකීය ගෞරව සහිතව පිළිගනු ලැබූ ජනාධිපති ට්‍රම්ප්, මෙම ගනුදෙනු අවසන් කිරීම සඳහා ඔටුන්න හිමි කුමරු මොහොමඩ් බින් සල්මාන් හමුවිය.“අපි එකිනෙකාට ගොඩක් කැමතියි,” ට්‍රම්ප් සාකච්ඡා අතරතුර සඳහන් කළේ, නායකයන් දෙදෙනා අතර ඇති ශක්තිමත් සම්බන්ධතාව අවධාරණය කරමිනි.
මේ අතර සිරියාව සඳහා ක්‍රියාත්මක කරන සියලු සම්බාධක ඉවත් කරන බව අමෙරිකානු ජනාධිපති ඩොනල්ඩ් ට්‍රම්ප් සදහන් කරයි.සෞදි අරාබියේ සංචාරයක නිරත අමෙරිකානු ජනාධිපතිවරයා විසින් එරට සාකච්ඡාවක් අතරතුර ඒ බව නිවේදනය කලේය.
සිරියාවට ඉදිරියට යාම සඳහා මෙය මහගු අවස්ථාවක් බව අමෙරිකානු ජනාධිපතිවරයා පවසා තිබේ. සිරියාවට එරෙහි සම්බාධක අවසන් කිරීම දශකයකට වැඩි සිවිල් යුද්ධයකින් බිඳ වැටී ඇති රටකට විශාල ශක්තියක් වනු ඇත. වත්මන් ජනාධිපති අහමඩ් අල්-ෂාරාගේ නායකත්වයෙන් යුත් කැරලිකරුවන් පසුගිය දෙසැම්බර් මාසයේදී ජනාධිපති බෂාර් අල්-අසාද් බලයෙන් පහ කළහ.
අමෙරිකානු ජනාධිපතිවරයා ධූරයට පත්ව සිය පළමු විදෙස් සංචාරය ලෙස සෞදි අරාබියේ සංචාරයක නිරත වේ.ඊට අමතරව කටාර් සහ එක්සත් අරාබි එමීර් රජ්‍යයේද ඩොනල්ඩ් ට්‍රම්ප් සංචාරෙයේ නිරතවිය.
