2026 දී උෂ්ණත්වය ඉහළ යනු ඇති අතර, කැනේඩියානුවන්ට මෙතෙක් වාර්තා වූ උණුසුම්ම වසරවලින් එකකට මුහුණදීමට නියමිත බව පරිසර හා දේශගුණික විපර්යාස පිළිබද කැනඩාවේ වාර්ෂික ගෝලීය මධ්යන්ය උෂ්ණත්ව අනාවැකිය පුරෝකථනය කර ඇත.
මෙම ගිම්හානයේදී ඉහළ උෂ්ණත්වයන් 2023 සහ 2025 දී වාර්ථාවූ ඉහලම ගෝලීය තාප තරංගවලට සමාන වනු ඇතැයි පරිසර හා දේශගුණික විපර්යාස කැනඩාව මාධ්ය නිවේදනයක් නිකුත් කරමින් කියා සිටියි.ලබන වසරේ උෂ්ණත්වය 2024 ට ආසන්න විය හැකි අතර, එය මෙතෙක් නිරීක්ෂණය කරන ලද උණුසුම්ම වසර ලෙස සැලකේ.
ගෝලීය උෂ්ණත්වය පූර්ව කාර්මික මට්ටමට වඩා සෙල්සියස් අංශක 1.35 ත් 1.53 ත් අතර පවතිනු ඇතැයි අපේක්ෂා කෙරේ.මෙය කාර්මික විප්ලවයට පෙර නිරීක්ෂණය කළ මට්ටමට වඩා අඛණ්ඩව 13 වන වසරටත් වඩා උෂ්ණත්වය ඉහළ යනු ඇත.තවද 2026 සිට 2030 දක්වා කාලය තුළ කැනඩාවේ මෙතෙක් වාර්තා වූ උණුසුම්ම පස් අවුරුදු කාලය අත්විඳිය හැකි බවට නිලධාරීන් අනාවැකි පළ කරති.
පසුගිය වසරේ දරුණු තාප තරංගය හේතුවෙන් කැනඩාව පුරා දෛනික තාප වාර්තා 51ක් බිඳ වැටුණු අතර, කැනේඩියානු නගර කිහිපයක සෙල්සියස් අංශක 30 ට වැඩි දින ගණනක් වාර්තාගත ඉහළම අගයන් වාර්තා කළේය.පරිසරය සහ දේශගුණික විපර්යාස පිළිබද කැනඩාවේ දත්ත පෙන්වා දෙන්නේ මිනිසා විසින් ඇති කරන ලද දේශගුණික විපර්යාස හේතුවෙන් 2024 ජුනි මාසයේ කැනඩාව පුරා තාප තරංගය 10 ගුණයකින් වැඩි වී ඇති බවයි.
දේශගුණික ප්රක්ෂේපණවලින් පෙනී යන්නේ මෙම සියවසේ දෙවන භාගය වන විට බොහෝ කැනේඩියානු නගරවල ඓතිහාසික දත්ත හා සසඳන විට සාමාන්යයෙන් සෙල්සියස් අංශක 30 ට වඩා වැඩි දින ගණනක් අවම වශයෙන් හතර ගුණයකින් වැඩි වනු ඇති බවයි.
