මේ වසරේ ගිම්හාන සමයේදී කැනඩාවේ කාර්යබහුලම ගුවන් තොටුපළ වෙත පැමිණි සහ පිටත්ව ගිය මගීන්ට ඉතා සතුටුදායක ප්‍රවෘත්තියක් අසන්නට ලැබුණි. එරට ගුවන් ගමනාගමන පාලන කටයුතු භාර ආයතනය වන ‘නැව් කැනඩා’ (NAV Canada) විසින් නිකුත් කරන ලද නවතම දත්ත වාර්තාවන්ට අනුව, රටේ ප්‍රධාන ගුවන් තොටුපළවල ගුවන් ගමන් ප්‍රමාදයන් වාර්තාගත ලෙස පහත වැටී ඇත.
මෙම වසරේ මැයි 1 වන දින සිට අගෝස්තු 31 වන දින දක්වා කාලය තුළ, කැනඩාවේ ප්‍රධාන ගුවන් තොටුපළ වන ටොරොන්ටෝ පියර්සන් (Toronto Pearson), මොන්ට්‍රියල්-ටෘඩෝ (Montréal-Trudeau), කැල්ගරි (Calgary) සහ වැන්කුවර් (Vancouver) ජාත්‍යන්තර ගුවන් තොටුපළවල සේවා සැපයීමේ මට්ටම කැපී පෙනෙන ලෙස වර්ධනය වී තිබේ.
පසුගිය 2025 වසරේ අදාළ කාලසීමාවට සාපේක්ෂව, ගුවන් ගමන් ප්‍රමාදයන්ට මුහුණ දුන් ප්‍රමාණය සමස්තයක් ලෙස සියයට 85කින් අඩු වී ඇත. ගුවන් ගමන් 4,996ක් හෙවත් මුළු ගමන් වාර වලින් සියයට 1.54කට ප්‍රමාදයන් ඇති විය. මෙම සංඛ්‍යාව ගුවන් ගමන් 769ක් දක්වා (සියයට 0.24ක් පමණි) තියුණු ලෙස පහත වැටුණි.
මෙම කාලය තුළ විශේෂයෙන්ම ජූලි මාසයේදී ෆීෆා ලෝක කුසලාන (FIFA World Cup) පාපන්දු තරගාවලිය පැවැත්වුණු අතර, ලොව පුරා සංචාරකයින් කැනඩාවට ඇදී එන ලද්දේ මෙම වාර්තාගත ලෙස ගුවන් තොටුපළ ප්‍රමාදයන් අවම වූ පසුබිමක් තුළ වීම විශේෂත්වයකි.
ගුවන් තොටුපළවල මෙහෙයුම් වැඩිවීමක් සමඟ මෙම දියුණුව වාර්තා වීම තවත් විශේෂත්වයකි. මෙම ප්‍රධාන ගුවන් තොටුපළ හතර ඒකාබද්ධව මෙම ගිම්හාන සමයේදී ගුවන් ගමන් 394,919ක් හැසිරවූ අතර, එය 2025 වසරට වඩා සියයට 0.9ක වැඩිවීමකි. එනම්, ගුවන් ගමන් සංඛ්‍යාව වැඩි වී තිබියදීත් ප්‍රමාදයන් අවම කර ගැනීමට හැකි වීම විශාල ජයග්‍රහණයකි.
පසුගිය වසරේ සියයට 4.42ක්ව තිබූ ප්‍රමාද ප්‍රතිශතය, මේ වසරේ සියයට 0.64 දක්වා අඩු කර ගනිමින් ඉහළම සමස්ත දියුණුව වාර්තා කළේය.සියයට 0.04ක අවම ප්‍රමාද ප්‍රතිශතයක් රඳවා ගනිමින් වඩාත්ම කාර්යක්ෂම ගුවන් තොටුපළ බවට පත්විය.කැල්ගරි හි ප්‍රමාදයන් සියයට 0.05 දක්වාද, මොන්ට්‍රියල්-ට්‍රුඩෝ හි ප්‍රමාදයන් සියයට 0.28 දක්වාද අඩු කර ගැනීමට සමත්ව ඇත.
කැනඩාවේ ගුවන් තොටුපළ පද්ධතිය මුහුණ දී සිටි ප්‍රධාන ගැටුමක් වූයේ ගුවන් ගමනාගමන පාලකවරුන්ගේ (Air Traffic Controllers) දැඩි සේවක හිඟයයි. මෙම වසරේ මුල් භාගයේදී (වසන්ත සමයේ) පාලකවරුන් 200ක පමණ හිඟයක් පැවතුණද, ‘නැව් කැනඩා’ ආයතනයේ ක්‍රියාකාරී වැඩපිළිවෙළ නිසා අගෝස්තු වන විට එම හිඟය 170 දක්වා අඩු කර ගැනීමට හැකි විය. නව බඳවා ගැනීම් සහ පුහුණු කිරීම් අඛණ්ඩව සිදුකිරීම මෙයට හේතු විය.
මෙම මෙහෙයුම් දියුණුව අතරතුර, කැනඩා අග්‍රාමාත්‍ය මාර්ක් කාර්නි (Mark Carney) නිවේදනය කළේ කැනඩාවේ ප්‍රධාන ගුවන් තොටුපළ හතර වෙත පෞද්ගලික ආයෝජන ආකර්ෂණය කර ගැනීමට ෆෙඩරල් රජය කටයුතු කරමින් සිටින බවයි.
වෙනත් රටවල සාර්ථක ක්‍රමවේද මත පදනම්ව මෙම නව ආකෘතිය ක්‍රියාත්මක වන අතර, ගුවන් තොටුපළ යටතේ පවතින බිම් සහ මූලික වත්කම්වල අයිතිය අඛණ්ඩව රජය සතුව පවතිනු ඇත.
ජාත්‍යන්තර ආර්ථික පර්යේෂණවලට අනුව, රජය සතු ගුවන් තොටුපළවල් පෞද්ගලීකරණය කිරීමේදී මගී ප්‍රවාහන කාර්යක්ෂමතාව සහ නවීකරණ කටයුතු (නව පර්යන්ත සහ ගේට්ටු එකතු කිරීම ආදී වශයෙන්) ඉහළ යන බව අනාවරණය වී ඇත. කෙසේ වෙතත්, පෞද්ගලීකරණයත් සමඟ ගුවන් සමාගම්වලින් අය කරන ගාස්තු ඉහළ යාමට ඉඩ ඇති බැවින් ගුවන් ගමන් ගාස්තු මිල අධික වීමේ අවදානමක්ද පවතින බව විචාරකයෝ පෙන්වා දෙති.
කැනඩාවේ ගුවන් සේවා ක්ෂේත්‍රය මුහුණ දුන් අභියෝග ජය ගනිමින් මගී ජනතාවට වඩාත් කාර්යක්ෂම හා සුමට ගමන් අත්දැකීමක් ලබා දීමට මේ හරහා හැකි වී තිබීම ඉදිරි අනාගතය සඳහා සුබවාදී ලකුණකි.
