2027 වසරට අදාළ විසර්ජන පනත් කෙටුම්පත කම්කරු ඇමැති සහ මුදල් නියෝජ්‍ය ඇමැති ආචාර්ය අනිල් ජයන්ත ප්‍රනාන්දු මහතා පාර්ලිමේන්තුවට පසුගිය (7)වැනිදා ඉදිරිපත් කළේය.
ලබන වසර සඳහා වන විසර්ජන පනත් කෙටුම්පත අනුව වැඩිම මුදල වන රුපියල් අටසිය පනස් හය බිලියන අටසිය පනස් තුන් මිලියනයක් (රුපියල් 856,853,000,000) වෙන් කර ඇත්තේ මුදල්, ක්‍රමසම්පාදන හා ආර්ථික සංවර්ධන අමාත්‍යාංශය වෙනුවෙනි.
ාලන අමාත්‍යාංශය සඳහා රුපියල් බිලියන හයසිය පනස් එකක් (රුපියල් 651,000,000,000) හා සෞඛ්‍ය හා ජනමාධ්‍ය අමාත්‍යාංශය වෙනුවෙන් රුපියල් පන්සිය අනූ බිලියන හාරසිය අනූ නව මිලියන නවසිය අනූ අටදහසක් (රුපියල් 590,499,998 000) වෙන් කර ඇත.
ප්‍රවාහන, මහාමාර්ග සහ නාගරික සංවර්ධන අමාත්‍යාංශය සඳහා රුපියල් බිලියන පන්සියයක් (රුපියල් 500,000,000,000) වෙන් කර ඇත.
ආරක්ෂක අමාත්‍යාංශය වෙනුවෙන් රුපියල් බිලියන හාරසිය පනස් අටක් (රුපියල් 458,000,000,000) ද අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශය සඳහා රුපියල් බිලියන තුන්සිය විසි අටක්ද (රුපියල් 328,000,000,000) වෙන් කර තිබේ.
එමෙන්ම මහජන ආරක්ෂක හා පාර්ලිමේන්තු කටයුතු අමාත්‍යාංශයට රුපියල් දෙසිය තිස් බිලියන පන්සිය මිලියනයක් (රුපියල් 230,500,000,000) වෙන් කර ඇත.
ජනාධිපති වැය ශීර්ෂය වෙනුවෙන් මෙවර වෙන් කෙරෙන මුදල රුපියල් එකොළොස් බිලියන දෙසිය තුන් මිලියන අටසිය දාහතරදහසක් (රුපියල් 11,203,814,000) වන අතර අගමැති කාර්යාලය සඳහා රුපියල් එක් බිලියන විසිදෙක මිලියන එකසිය දහසක් (රුපියල් 1,022,100,000) වෙන් කර ඇත.
සෙසු අමාත්‍යාංශ වෙනුවෙන් වෙන් කර තිබෙන ප්‍රතිපාදන මෙසේය.
බුද්ධශාසන, ආගමික හා සංස්කෘතික කටයුතු අමාත්‍යාංශය – රුපියල් බිලියන දහඅටයි (රුපියල් 18,000,000,000)
අධිකරණ හා ජාතික ඒකාබද්ධතා අමාත්‍යාංශය – රුපියල් බිලියන හැටහයයි (රුපියල් 66,000,000,000)
විදේශ කටයුතු , විදේශ රැකියා සහ සංචාරක අමාත්‍යාංශය – රුපියල් විසිහතර බිලියන හත්සිය මිලියනයයි (රුපියල්
24,700,000,000)
වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍යාංශය – රුපියල් තුන් බිලියන හාරසිය මිලියනයයි
(රුපියල් 3,400,000,000)
කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යාංශය – රුපියල් බිලියන දෙසිය දහඅටයි (රුපියල්
218,000,000,000)
බලශක්ති අමාත්‍යාංශය – රුපියල් තිස් බිලියන දෙසිය මිලියනයයි (රුපියල් 30,200,000,000)
නිවාස, ඉදිකිරීම් සහ ජලසම්පාදන අමාත්‍යාංශය – රුපියල් අසූ දෙක බිලියන තුන්සිය මිලියනයයි (රුපියල් 82,300,000,000)
ග්‍රාමීය සංවර්ධන, සමාජ ආරක්ෂණ සහ ප්‍රජා සවිබල ගැනීවීම් අමාත්‍යාංශය – රුපියල් හැත්තෑ නව බිලියන අටසිය මිලියනයයි (රුපියල් 79,800,000,000)
වැවිලි සහ ප්‍රජා යටිතල පහසුකම් අමාත්‍යාංශය – රුපියල් මිලියන දෙසිය හැටයි (රුපියල් 260,000,000)
කර්මාන්ත හා ව්‍යවසායකත්ව සංවර්ධන අමාත්‍යාංශය – රුපියල් පහළොස් බිලියන එකසිය මිලියනයයි (රුපියල් 15,100,000,000)
ධීවර හා සාගර සම්පත් අමාත්‍යාංශය – රුපියල් එකොළොස් බිලියන හත්සිය මිලියනයයි (රුපියල් 11,700,000,000)
පරිසර අමාත්‍යාංශය – රුපියල් විසිඑක් බිලියන දෙසිය මිලියනයයි (රුපියල් 21,200,000,000)
කාන්තා සහ ළමා කටයුතු අමාත්‍යාංශය – රුපියල් බිලියන විස්සයි (රුපියල් 20,000,000,000)
වරාය සහ සිවිල් ගුවන්සේවා අමාත්‍යාංශය – රුපියල් තුන් බිලියන හත්සිය මිලියනයයි (රුපියල් 3,700,000,000)
ඩිජිටල් ආර්ථික අමාත්‍යාංශය – රුපියල් බිලියන විසිහයයි (රුපියල් 26,000,000,000)
කම්කරු අමාත්‍යාංශය – රුපියල් හත් බිලියන පන්සිය මිලියනයයි (රුපියල් 7,500,000,000)
තරුණ කටයුතු හා ක්‍රීඩා අමාත්‍යාංශය – රුපියල් බිලියන දාහතයි (රුපියල් 17,000,000,000)
විද්‍යා හා තාක්ෂණ අමාත්‍යාංශය – රුපියල් හත් බිලියන හයසිය මිලියනයයි (රුපියල් 7,600,000,000)
2027 වසර සඳහා වන විසර්ජන පනත් කෙටුම්පත ඊයේ දින ඉදිරිපත් කිරීමෙන් පසුව මුදල් ඇමැතිවරයා ලෙස ජනාධිපති අනුර කුමාර දිසානායක මහතා විසින් නොවැම්බර් 12 වැනිදා අය – වැය කතාව ඉදිරිපත් කිරීමට නියමිත වේ.
නොවැම්බර් 13 සිට 20 දක්වා දින හතක් දෙවැනිවර කියවීමේ විවාදය පැවැත්වෙන අතර, එහි ඡන්ද විමසීම නොවැම්බර් 20 වැනිදා පස්වරු 6.00ට පැවැත්වීමට නියමිතය.
අය – වැය කාරක සභා අවස්ථාවේ විවාදය හෙවත් අය – වැය පිළිබඳ තෙවන වර කියැවීම නොවැම්බර් 21 සිට දෙසැම්බර් 14 දක්වා දින 19ක් පැවැත්වේ.
අය – වැය තෙවැනිවර කියවීමේ අවසන් ඡන්ද විමසීම දෙසැම්බර් 14 වැනිදා පස්වරු 6.00ට පැවැත්වීමට නියමිත අතර, එමඟින් 2027 අය – වැය පාර්ලිමේන්තු ක්‍රියාවලිය අවසන් වේ.
අය – වැය විවාද පැවැත්වෙන කාලය තුළ ඉරිදා සහ රජයේ නිවාඩු දින හැර සෙනසුරාදා දිනවලද පාර්ලිමේන්තුව රැස්වීමට නියමිතය.
දෙවැනිවර කියවීමේ විවාදයේදී ආණ්ඩු පක්ෂයට සියයට 60ක් හා විපක්ෂයට සියයට 40ක් ලෙස විවාද කාල‍ෙ වෙන්කර ඇති අතර, කාරක සභා අවස්ථාවේදී එය ආණ්ඩු පක්ෂයට සියයට 40ක් සහ විපක්ෂයට සියයට 60ක් ලෙස වෙන්කර තිබේ.
