ගූගල් සමාගම විසින් හෙඩ්ෆෝන් හරහා පරිශීලකයන්ට තත්යකාලීන(එම මොහොතේම) භාෂා පරිවර්තනවලට සවන්දීමට හැකියාව ලබාදෙන බීටා විශේෂාංගයක් දියත් කර තිබෙනවා.
එය Google හි පරිවර්තන සහ භාෂා ඉගෙනීමේ හැකියාවන් වැඩිදියුණු කිරීමේ ප්රධාන පියවරක් සනිටුහන් කරන බවයි එම සමාගම සදහන් කලේ..
ගූගල් පරිවර්තන යෙදුමේ ඇති නව කාර්යය මගින් කථිකයාගේ ස්වරය, අවධාරණය සහ ස්වාභාවික කථන රිද්මය පවත්වා ගනිමින් සජීවී පරිවර්තන ලබා දෙන අතර, පරිශීලකයන්ට බාධාවකින් තොරව සංවාදය සඳහා වඩා හොඳින් පිවිසීමට මෙමගින් ඉඩ සලසා තිබෙනවා.
ගූගල් සමාගමට අනුව, මෙම විශේෂාංගය බහුභාෂා සංවාද සඳහා,විවිධ රටවල සංචාරය කරන අතරතුර කථා හෝ දේශනවලට සවන් දීම හෝ විදේශීය භාෂා රූපවාහිනී වැඩසටහන් සහ චිත්රපට නැරඹීම සඳහා ද භාවිත කළ හැකිය.
පරිශීලකයන්ට අවශ්ය වන්නේ පරිවර්තන යෙදුම විවෘත කර, “සජීවී පරිවර්තනය” තෝරාගෙන ඔවුන්ගේ හෙඩ්ෆෝන් හරහා සවන්දීමයි.බීටා විශේෂාංගය දැනට එක්සත් ජනපදය, මෙක්සිකෝව සහ ඉන්දියාවේ ඇන්ඩ්රොයිඩ් උපාංගවල ක්රියාත්මක වනවා.
එය සිංහල ඇතුළුව භාෂා 70 කට වඩා සහාය දක්වන අතර ඕනෑම සම්මත හෙඩ්ෆෝන් කට්ටලයක් සමඟ ක්රියාකරනු ඇති.2026 දී මෙම විශේෂාංගය iOS උපාංග සහ තවත් රටවල් රැසකට ව්යාප්ත කරන බව ගූගල් සමාගම පවසනවා.
