කැනඩාවේ සමර් මැකින්ටොෂ් පසුගිය ඉරිදා ඇගේ සිව්වන රන් පදක්කම සමඟින් සිය පිහිනුම් ආධිපත්යය තහවුරු කරමින් ලෝක පිහිනුම් ශූරතාවලියක් අවසන් කිරීමට සමත්විය.එහිදී ඇය කාන්තා මීටර් 400 තනි මිශ්ර ඉසව්ව දිනා ගත්තේ වාර්තාගත කාලයක් සටහන් කරමිණි.
18 හැවිරිදි ඇය එම ඉසව්ව මිනිත්තු හතරයි තත්පර 25 කින් නිම කළ අතර, ඕස්ට්රේලියාවේ ජෙනා ෆොරෙස්ටර් සහ ජපානයේ මියෝ නරිටා රිදී පදක්කම දිනා ගැනීමට සමත්විය.චීනයේ 12 හැවිරිදි සිඩි යූ සිව්වන ස්ථානයට පත්විය.
සිංගප්පූරුවේ දී ලෝක පිහිනුම් ශූරතාවලියේදී මැකින්ටොෂ් මීටර 200 සමනල ආර, මීටර 200 මිශ්ර ආර සහ මීටර 400 නිදහස් ආර ඉසව්වලින් ද රන් පදක්කම දිනා ගත්තේය.වාර්තාගත රන් පදක්කම් පහක් සඳහා වූ ඇගේ උත්සාහය පසුගිය සෙනසුරාදා අවසන් වූයේ ඇමරිකානු තරුවක් වන කේටි ලෙඩෙකි ඕස්ට්රේලියාවේ ලැනි පැලිස්ටර් අභිබවා 800 නිදහස් ආර ඉසව්ව ජයග්රහණය කිරීමත් සමඟය. මැකින්ටොෂ් එම ඉසව්වේ ලෝකඩ පදක්කමෙන් සෑහීමට පත් විය.
මැකින්ටොෂ් දැන් ලෝක ශූරතාවලියේදී රන් පදක්කම් අටක් ඇතුළුව වෘත්තීය පදක්කම් 13 ක් ලබාගෙන ඇත.
කැනඩාවේ පිරිමි 4×100 මිශ්ර සහය කණ්ඩායම හයවන ස්ථානයට පත් වූ අතර, මැකින්ටොෂ් ඇතුළත් කාන්තා 4×100 මිශ්ර සහය කණ්ඩායම තරඟාවලියේ අවසන් ඉසව්වේ පස්වන ස්ථානයට පත්විය.ලෝක ජල ක්රීඩා ශූරතාවලියේදී කැනඩාව දිනාගත් පිහිනුම් පදක්කම් අටෙන් පහක්ම මැකින්ටොෂ් විසින් දිනා ගන්නා ලදී. මේ අතර මොන්ට්රියෙල් හි සිමෝන් ලීට්හෙඩ් කාන්තා මීටර් 20 උස කිමිදුම් ඉසව්වෙන් රිදීපදක්කමක් එක් කළාය, එය ලෝක ශූරතාවලියේදී ඇයගේ පළමු වෘත්තීය පදක්කමයි
