අවුරුදු සමයේදී සංවිධානය කරන තරග සහ ඉසව්හිදී සිදුවන අනතුරු අවම කර ගැනීම සඳහා ඉදිරිපත් කර ඇති සෞඛ්ය මාර්ගෝපදේශ වෙත අවධානය යොමු කරන ලෙස සෞඛ්ය අංශ ජනතාවගෙන් ඉල්ලීමක් කර තිබේ.සෞඛ්ය අමාත්යාංශයේ බෝ නොවන රෝග ඒකකය විසින් ඉදිරිපත් කර ඇති මෙම මාර්ගෝපදේශ මාලාව තුළින් අදාළ උත්සව සඳහා අනුගමනය කළ යුතු මාර්ගෝපදේශ සහ හඳුනාගත් විශේෂිත ඉසව් සඳහා වන මාර්ගෝපදේශ විස්තර කර ඇත.
ඒ අනුව අදාළ උත්සව සංවිධානය කිරීමේදී මෙම මාර්ගෝපදේශ අනුගමනය කරන ලෙසද සෞඛ්ය අංශ මහජනතාවගෙන් ඉල්ලීමක් කර ඇත.
මෙම මාර්ගෝපදේශ මගින් ගම හරහා දිවීම, මැරතන් තරග, පාපැදි තරග වැනි දිගු වේලාවක් පැවැත්වෙන ඉසව් සඳහා තරග වදින්නන් අවම වශයෙන් තරගයට පෙර සති 6කට පෙර පුහුණුවීම් සිදුකළ යුතු බවත් ඒ සඳහා පුහුණුකරුවෙකු යටතේ පුහුණුවීම වඩාත් යෝග්ය බවත් පෙන්වා දී තිබේ.
එමෙන්ම උත්සව පැවැත්වෙන ස්ථානයේ මනාව සන්නද්ධ කරන ලද ප්රථමාධාර මධ්යස්ථානයක් ඒ සඳහා අවශ්ය උපකරණ සහිත ස්ථානීය වෛද්ය පහසුකම් සහිත ස්ථානයක් පවත්වාගත යුතු බවත් අදාළ මාර්ගෝපදේශ මාලාව මගින් දක්වා ඇත.එම සම්පූර්ණ මාර්ගෝපදේශමාලාව පහතින්,
මේ අතර අවුරුදු සමයේ අවුරුදු උත්සව සංවිධානය කිරීමේදී පවතින අධික උෂ්ණත්වය හේතුවෙන් ඒ සදහා ප්රථමාධාර සේවා සහ වෛද්ය සේවා සැපයීම අනිවාර්යයෙන් සිදු කළ යුතු බව ජාතික ක්රීඩා විද්යායතනය පවසයි.
එහි වෛද්ය ධම්මික සේනානායක මහතා පැවසුවේ අවුරුදු උත්සවවලදී අධික අව් රෂ්මිය ඇති අවස්ථාවල පැවැත්වෙන ගම හරහා දිවීම සහ බයිසිකල් තරගවලදී තරගකරුවන් සංකූලතාවලට ලක්වීමේ වැඩි හැකියාවක් පවතින බැවින් ඒ සම්බන්ධයෙන් අවධානයෙන් කටයුතු කළ යුතු බවය.
මේ සම්බන්ධව වැඩිදුරටත් අදහස් දැක්වූ වෛද්ය ධම්මික සේනානායක මහතා,
“අපි ඕනම කෙනෙක් අන්තර්ජාලයෙන් බැලුවාම අපිට ලංකාවේ තිබෙන උෂ්ණත්වය දැනගන්න පුළුවන්. මේ උෂ්ණත්වය සෙල්සියස් අංශක 30කට වඩා වැඩියි. මතක තබා ගන්න ලංකාව උෂ්ණත්වය වැඩි රටක් වගේම ආර්ද්රතාවයෙන් වැඩි රටක්. මේ තුළින් අපේ ශරීරයට ඇතිවෙන්න පුළුවන් සංකූලතා එහෙමත් නැත්නම් අපි අව්ව වෙලේ එළිමහනේ ක්රීඩා කළාම, තරග පැවැත්වුම ඇතිවෙන්න පුළුවන් සංකූලතා වැඩියි. ඒ වගේම Heat Index එකක් තියෙනවා ඒක 27- 32 අතර වගේ තියද්දි අපි ප්රවේශම් වෙන්න ඕනේ. මේක 32-41 අතර කියන්නේ අපි අධික ලෙස ප්රවේශම් වෙන්න ඕනේ. 41ට වැඩි වුණොත් නම් ශරීරයට එළිමහනේ කරන ක්රියාකාරකම් භයානක වෙන්න පුළුවන්. ඒ නිසා මේ යතාර්ථය තේරුම් අරගෙන ඔබ සංවිධානය කරන තරගාවලි සංවිධානය කරන්න. ඒ වගේම මේ තරගාවලි සංවිධානය කරද්දි ජනතාව උෂ්ණත්වයට මුහුණදීම හැකිතාක් අවම කරගන්න
ඔබ විශාල පිරිසක් සහභාගී වන අවුරුදු උත්සවයක් සංවිධානය කරනවානම් මේ සඳහා ප්රථමාධාර සේවා සහ වෛද්ය සේවා සැපයීම අනිවාර්ය වෙනවා ප්රදේශයේ ඒ රෝහල දැනුවත් කරලා ඒ වෛද්ය සේවා ලබා දෙන්න මේක ඉතාමත් වැදගත්. ඒ අවගේම අපි දන්නවා අපේ අවුරුදු උත්සවවල තිබෙනව ගමහරහා දිවීම සහ මැරතන් තරග මේවගේදීත් සංකූලතා ඇතිවෙන්න පුළුවන් අධික අව් රෂ්මිය පැවැත්වෙන අවස්ථාවලදි තරග පැවැත්වීමෙන් ඒ නිසා ඒ නිසා ඔබ කළින් ආරම්භ කරලා මේ තරග අවසන් කරන්න ඒවගේම බයිසිකල් තරගවලදිත් මේ සංකූලතා ඇති වෙන්න පුළුවන් ඒ නිසා මේ බයිසිකල් තරගත් හැකි ඉක්මනින් අවසන් කරන්න.”
