ශ්‍රී ලංකාවේ පුද්ගලයන්ගෙන් සැළකිව යුතු පිරිසක් නින්ද ආශ්‍රිත ගැටලු වැඩිවීම සමග පොරබදමින් සිටින බවත්, පාසල් සිසුන්ගෙන් 63% ක් පමණ ප්‍රමාණවත් නින්දක් නොලබන බවත් අනාවරණය වෙයි. ප්‍රජා වෛද්‍ය උපදේශක වරියකවන චිරන්තිකා විතානගේ ජනමාධ්‍ය හමුවකට එක්වෙමින් ඇය කියාසිටියේ නින්ද යහපත් සෞඛ්‍යය තත්ත්වයක් සඳහා අතිශය වැදගත් වන බවයි.
එහෙත් අවුරුදු 16 – 17 අතර වයස් කාණ්ඩයේ පසුවන පාසල් ළමුන්ගෙන් 8.2% ක් පමණ පැය 4 ක් හෝ ඊට අඩු නින්දක් ලබන බව ඇය පෙන්වාදෙයි.
එමෙන්ම සිසුන් මෝටර් රථවල ගැටීමෙන් සිදුවන අනතුරු ද වාර්තා වී ඇති බව පෙන්වාදුන් ඇය පවසන්නේ, පසුගිය මාස 12 තුළ කාන්තාවන්ගෙන් 6.6% ක ප්‍රතිශතයක් සහ පිරිමින්ගෙන් 16.4% ක් එලෙස අනතුරුවලට මුහුණ පා ඇති බවයි.
එම කාලය තුළදී “ප්‍රචණ්ඩත්වය සහ නොදැනුවත්ව සිදුවන තුවාල වලදී 23.8% ක් ශාරීරික ප්‍රහාරවලට මුහුණ දී ඇති බවත්, 6.1% ලිංගික හිරිහැරවලට මුහුණ දී ඇති බවත්, 10.1% ප්‍රේම සබඳතා හේතුවෙන් ප්‍රචණ්ඩත්වයට මුහුණ පා ඇති බවත්, 6.9% ක් පමණ සයිබර් ලිංගික හිරිහැර අත්විඳ ඇති බවත්, 34.5% ක් පමණ ශාරීරිකව ගැටුම්වලට සම්බන්ධ වී ඇති බවත්” ඇය අනාවරණ කර තිබේ.
සංඛ්‍යාලේඛන පෙන්වාදෙන්නේ පාසල් සිසුන්ගෙන් සැළකිව යුතු සංඛ්‍යාවක් ප්‍රචණ්ඩත්වයට සහ නොදැනුවත්වම තුවාල ලබා ඇති බව සහ 47.9% ක ප්‍රතිශතයක් ගුරුවරුන් විසින් සිදුකළ පීඩාවන් සම්බන්ධයෙන් පැමිණිලි කර ඇති බවයි.පසුගිය මාස 12 ක කාලය තුළ පාසක් සිසුන්ගෙන් 6.1% ක ප්‍රතිශතයක් ලිංගික ක්‍රියාකාරකම්වල යෙදීම සඳහා බලපෑම්වලට ලක්ව ඇති බවත් ඉන් වැඩි ප්‍රතිශතයක් පිරිමි ළමුන් බවත් වාර්තා වී ඇතැයි වෛද්‍යවරිය පෙනවදෙයි.
