පසුගියදා නිකුත්කරන ලද කැනේඩියානු රජයේ වාර්තාවක සඳහන් වූයේ රට තුල පිහිටි යුදෙව් නිවාඩු උත්සව සඳහා තර්ජනයක් පිළිබඳ කිසිදු විශ්වාසදායක අනතුරු ඇඟවීමක් නොමැති නමුත් ප්රචණ්ඩ ප්රහාරයක් සදහා තවමත් “යථාර්ථවාදී හැකියාවක්”පවතින බවයි.
ඕස්ට්රේලියාවේ සිඩ්නි හි හනුක්කා උත්සවයකට පසුගිය ඉරිදා එල්ල වූ මාරාන්තික ත්රස්ත ප්රහාරයෙන් පසුව, ෆෙඩරල් ඒකාබද්ධ තර්ජන තක්සේරු මධ්යස්ථානය විසින් මෙම වර්ගීකරණය නොකළ වාර්තාව සකස් කරන ලදී.
“යුදෙව් ප්රජාව හා සම්බන්ධ සිදුවීම් ඇතුළුව, කැනඩාවේ 2025 නිවාඩු සමය ඉලක්ක කරගත් ආසන්න, විශ්වාසදායක තර්ජනයක් පෙන්නුම් කරන කිසිදු නිරීක්ෂණය කරන ලද වාර්තාවක් දැනට නොමැත,” එමගින් පැවසීය.
“කෙසේ වෙතත්, බුද්ධි අංශ පූර්ව අනතුරු ඇඟවීමක් නොමැතිව හෝ කිසිදු තොරතුරක් නොමැතිව ප්රචණ්ඩත්වයට බලමුලු ගැන්වීම සඳහා පහසුවෙන් ලබා ගත හැකි ආයුධ භාවිතා කරන තනි ක්රියාකාරිකයෙකු හෝ කුඩා කණ්ඩායමක් අපට නොසලකා හැරිය නොහැකිය,” යනුවෙන් ඒජන්සිය වාර්තාවේ සදහන්ව ඇත.
“යුදෙව් ප්රජාව ඉලක්ක කරගත් ප්රහාරයක් ඇතුළුව කැනඩාවේ ප්රචණ්ඩ අන්තවාදී ප්රහාරයක් සදහා යථාර්ථවාදී හැකියාවක් ලෙස පවතී,” ITAC යන කෙටි යෙදුමෙන් හැඳින්වෙන තර්ජන තක්සේරු ආයතනය නිගමනය කළේය.
වාර්තාව “නිල භාවිතය සඳහා පමණි” යනුවෙන් සලකුණු කර තිබුණද, මාධ්ය වෙත නිරාවරනයවු එම වාර්ථාවෙහි සත්යතාව රජයේ නිලධාරියෙකු තහවුරු කර ඇත.
2023 ඔක්තෝබර් 7 වන දින ඊශ්රායලයට හමාස් ප්රහාරයක් එල්ල කිරීමෙන් පසු වසරකට වැඩි කාලයක් තිස්සේ යුදෙව් ප්රජාවට එල්ල වන ප්රහාරයක සම්භාවිතාව විස්තර කිරීම සඳහා ආයතනය “යථාර්ථවාදී හැකියාව” යන යෙදුම භාවිතා කර ඇත .
එතැන් සිට, කැනඩාවේ යුදෙව් ප්රජාව යුදෙව් පාසල් සහ ප්රජා ආයතන ඉලක්ක කරගත් වෛරී අපරාධ මෙන්ම වෙඩි තැබීම්, ගිනි තැබීම් සහ බෝම්බ තර්ජන වැනි යුදෙව් විරෝධී හැඟීම් ඉහළ යමින් පවතී.
පසුගිය වසරේ, ටොරොන්ටෝහි ISIS-ආනුභාව ලත් කුමන්ත්රණයක් කඩාකප්පල් කළ RCMP ආයතනය , නිව්යෝර්ක් යුදෙව් මධ්යස්ථානයකට සමූහ වෙඩි තැබීමක් සිදුකිරීමට යමින් සිටි සැකකරුවෙකු ක්විබෙක්හිදී අත්අඩංගුවට ගත්තේය.
2023 අගභාගයේදී, පැවති ඊශ්රායල හිතවාදී රැලියකට පහර දීමේ සැක සහිත කුමන්ත්රණයක් RCMP විසින් බිඳ දමන ලදී. ISIS සංවිධානයෙන් ආභාෂය ලැබූ බව කියන බාලවයස්කරුවන් දෙදෙනෙකුට ත්රස්තවාදී වැරදි සම්බන්ධයෙන් චෝදනා එල්ල වී තිබේ.
ඉරිදා, ඕස්ට්රේලියාවේ බොන්ඩි වෙරළ තීරයේ පැවති යුදෙව් නිවාඩු දින සැමරුමකදී 50 හැවිරිදි පුද්ගලයෙකු සහ ඔහුගේ 24 හැවිරිදි පුත්රයා වෙඩි තැබීම සිදුකර තිබිණි. ISIS සංවිධානයට පක්ෂපාතී බවට ප්රතිඥා දුන් බව ප්රහාරකයින් විසින් සිදුකල වෙඩි තැබීම් හමුවේ පහළොස් දෙනෙකු මිය ගොස් තවත් පිරිසක් තුවාල ලැබූහ. ITAC වාර්තාවේ සඳහන් වූයේ ප්රහාරයට කැනඩාව සමඟ කිසිදු සම්බන්ධයක් නොමැති බවයි. කැනඩාවේ යුදෙව් ප්රජාවන් තුළ ඔවුන්ගේ පැවැත්ම වැඩි කරන බව පොලිසිය පවසා තිබේ.
කැනේඩියානු වාර්තාව පැවසුවේ ඕස්ට්රේලියාවේ සමූහ වෙඩි තැබීමේ සිද්ධියේ “ආගමික වැදගත්කම” සහ එම ස්ථානයේ ප්රවේශ විය හැකි ස්වභාවය නිසා වින්දිතයින් ඉලක්ක කර ගෙන ඇති බවයි.
එය සිද්ධිය ආගමික වශයෙන් අභිප්රේරිත ප්රචණ්ඩ අන්තවාදයක් ලෙස වර්ගීකරණය කළ අතර, දිවි ගලවා ගත් ප්රහාරකයා ISIS ආධාරකරුවන් පිරිසක් සමඟ ඇති සබඳතා පිළිබදව මාස හයක් තිස්සේ විමර්ශනය කරන ලද බව පැවසීය.
“මෙම ප්රහාරය සහ පසුව ඉලක්ක තෝරා ගැනීම සඳහා හේතුවී ඇත්තේ 2023 ඔක්තෝබර් 7 වන දින ඊශ්රායලයේ සිදු වූ ප්රහාරයෙන් හෝ බටහිර රටවල දැනුණු පසු බලපෑම්වලින් බවට යථාර්ථවාදී හැකියාවක් ඇති බවට ,” යනුවෙන් එහි සඳහන් විය.
