කැනඩා දිනයේ සිට ඔන්ටාරියෝ රියදුරන්ට ඔවුන්ගේ බලපත්‍ර තහඩු අලුත් කිරීමට අවස්ථාව හිමිවනවා.Get It Done පනත ලෙස නම් කරන ලද omnibus බිල්පතේ කොටසක් ලෙස, Service Ontario ස්ථානයකදී රියදුරන්ට ඔන්ලයින් හෝ පුද්ගලිකව තම තහඩු අලුත් කිරීමේ අවශ්‍යතාවය ඉවත්වනු ඇත.
ෆෝඩ් රජය මීට පෙර බලපත්‍ර තහඩු ස්ටිකර් ඉවත් කර 2022 දී අලුත් කිරීම හා සම්බන්ධ පිරිවැය ඉවත් කර ඇත. ඊට පෙර, රියදුරන් තමන් සතු සෑම මෝටර් රථයක් සඳහාම තහඩු අලුත් කිරීමට ඩොලර් 120 ක් ගෙවා තිබිණි.
ගාස්තු ඉවත් කර තිබියදීත්, මේ වසර මුලදී ප්‍රවාහන අමාත්‍යාංශය පැවසුවේ කල් ඉකුත් වූ තහඩු 1,015,139 ක් පමණ පළාතේ ඇති බවත්, ස්වයංක්‍රීය පද්ධතියක අවශ්‍යතාවයක් පවතින බවයි.
ස්වයංක්‍රීය බලපත්‍ර තහඩු අලුත් කිරීම් හඳුන්වා දුන් උතුරු ඇමරිකාවේ පළමු අවස්තාව බව රජය පැවසූ අතර මෙම පියවර මගින් ඔන්ටාරියෝ හි රියදුරන් මිලියන අටකට වසරකට පැය 900,000 ක් ඉතිරි කර ගත හැකි බව ඇස්තමේන්තු කර ඇත.
“ප්‍රිමියර් ෆෝඩ්ගේ (Premier Ford)නායකත්වය යටතේ, අපගේ රජය රියදුරන්ට ජීවිතය වඩාත් දැරිය හැකි සහ පහසු කරවයි” යනුවෙන් ප්‍රවාහන අමාත්‍ය ප්‍රබ්මීත් සර්කාරියා (Prabmeet Sarkaria)බදාදා නිකුත් කළ ප්‍රවෘත්ති නිවේදනයක පැවසීය. “දැන්, අපි රියදුරන්ගේ වටිනා කාලය ඉතිරි කරමින් ස්වයංක්‍රීයව බලපත්‍ර තහඩු අලුත් කිරීමෙන් ඔවුන්ගේ ජීවිත පහසු කරනවා.”
ස්වයංක්‍රීය අලුත් කිරීමේ ක්‍රියාවලිය සියලුම මගී වාහන, සැහැල්ලු ට්‍රක් රථ, යතුරුපැදි සඳහා අදාළ වනු ඇත.
