ඔන්ටාරියෝ හි මවුන්ටිස් පවසන්නේ, ඉන්සෙල් මතවාදයට සහය දක්වමින් සමාජ මාධ්‍යවල තර්ජන ප්‍රකාශ කළ බවට දැනටමත් චෝදනා එල්ල වී ඇති බර්ලින්ටන් හි පුද්ගලයෙකු දැන් ත්‍රස්තවාදී චෝදනාවලට මුහුණ දී සිටින බවයි.24 හැවිරිදි එම පුද්ගලයාට පසුගිය අප්‍රේල් 29 වන දින තර්ජනය කිරීම් දෙකක් සම්බන්ධයෙන් චෝදනා එල්ලවී ඇති බවයි.ත්‍රස්ත ක්‍රියා ආරම්භ කිරීමට තමන් එකඟ වන බව කැනඩාවේ සහකාර නියෝජ්‍ය නීතිපතිවරයා අධිකරණයට ප්‍රකාශ කිරීමෙන් අනතුරුව මෙම නව චෝදනා ඉදිරිපත් කර ඇත.
“සීමිත තොරතුරු සහිතව, RCMP GTA INSET සහ අපරාධ විශ්ලේෂක අංශයට මහජන ආරක්ෂාවට තර්ජනයක් හඳුනා ගැනීමට සහ එය ඉක්මනින් වළක්වා ගැනීමට හැකි විය.” ජේම්ස් පාර් නිවේදනයක් නිකුත් කරමින් කියා සිටියේය. “අපගේ සාමාජිකයින්ගේ උත්සාහය සහ දක්ෂතාවය ගැන ආඩම්බර වන අතර මෙම විමර්ශනය ඉදිරියට ගෙන යාමට ටොරොන්ටෝ සහ හැල්ටන් ප්‍රදේශවල අපගේ පොලිස් හවුල්කරුවන් සමඟ සහයෝගයෙන් කටයුතු කිරීම ගැන මම කෘතඥ වෙනවා.”යනුවෙන් ප්‍රකාශ කර තිබිණි.
අඟහරුවාදා ප්‍රවෘත්ති නිවේදනයක් නිකුත් කරමින් RCMP පැවසුවේ කැනඩාවේ අපරාධ සංග්‍රහය යටතේ ඩීඇන්ඩ්‍රේ ඇන්ඩර්සන්( DeAndre Anderson)දැන් ත්‍රස්තවාදී චෝදනාවලට මුහුණ දී සිටින බවයි.ඇන්ඩර්සන් ජූනි 28 වැනිදා මිල්ටන්හිදී මීළඟ අධිකරණය හමුවේ පෙනී සිටීමට නියමිතයි.
Incel යනු “අනිච්ච බ්‍රහ්මචාරී” යන්නෙන් අදහස් වන පදයකි, ඔවුන්ගේ ලිංගික හෝ ආදර සහකරුවන් නොමැතිකම සම්බන්ධයෙන් අන්‍යයන්ට දොස් පවරන සතුරුකම ප්‍රකාශ කරන පිරිමින්ගේ ආන්තික උප සංස්කෘතියකි.
පුද්ගලයින් 11 දෙනෙකුට මරු කැඳවූ මාරාන්තික 2018 ටොරොන්ටෝ වෑන් ප්‍රහාරය සහ ටොරොන්ටෝ සම්බාහන මධ්‍යස්ථානයේ සේවකයෙකු 2020 ඝාතනය කිරීම ඇතුළුව GTA හි අතීතයේ ත්‍රස්තවාදී සිදුවීම් ගණනාවකට Incel මතවාදය සම්බන්ධ වී ඇත.ප්‍රවීණයන් පවසා ඇත්තේ මතවාදයේ තර්ජනය අඩුවීමට වඩා වර්ධනය වෙමින් පවතින බවයි.
