පන්දුවාර 20 ලෝක කුසලාන ක්‍රිකට් තරගාවලියේ ශ්‍රී ලංකාව සහ බංග්ලාදේශය අතර පසුගියදා පැවති තරගයේ ජය වාර්තා කිරීමට බංග්ලාදේශ කණ්ඩායම සමත් විය.
ඔවුහු පන්දු වාර 19කදී කඩුලු 8ක් දැවී ලකුණු 125ක් ලබා ගනිමින් ජය වාර්තා කළහ.
පළමුව පන්දුවට පහර දීමට පිටියට පිවිසි ශ්‍රී ලංකා කණ්ඩායම පන්දුවාර සියල්ල අවසානයේ කඩුලු 9ක් දැවී ලකුණු 124ක් රැස් කළ අතර පිළිතුරු ඉනිම ක්‍රීඩා කිරීමට පිටියට පිවිසි බංග්ලාදේශ කණ්ඩායමට පන්දුවාර 19ක් අවසානයේ කඩුළු 8ක් පමණක් දැවී එම ඉලක්කය සපුරා ගැනීමට හැකියාව ලැබිණි.
මේ අතර ඇෆ්ගනිස්ථානය ඉදිරියේ නවසීලන්තයට අනපේක්ෂිත පරාජයක් අත්විය.එම තරගයේදි ඇෆ්ගනිස්ථානය ලකුණු 84කින් ජයක් අත්විය.ප්‍රොවිඩන්ස්හීදී පැවැති තරගයේ පළමුවෙන් පන්දුවට ඇෆ්ගනිස්ථානය කඩුලු 6ක් දැවී රැස් කළ ලකුණු සංඛ්‍යාව 159කි.සුපිරි ඉනිමක් ක්‍රීඩා කළ රහමුදුල්ලා ගුර්බාස් පන්දු 56කදී ලකුණු 80ක් ලබා ගත්තේය.පිළිතුරු ඉනිම ක්‍රීඩා කළ නවසීලන්තයට සියලු දෙනා දැවී ලබාගත හැකි වූයේ ලකුණු 75ක් පමණි.
