පසුගිය සඳුදා උදෑසන Etobicoke හි මහල් ගොඩනැගිල්ලක ඇති වූ ගින්නකින් කාන්තාවන් දෙදෙනෙකු බරපතල තුවාල ලබා රෝහල් ගත කර ඇති බව ටොරොන්ටෝ වෛද්‍යවරු තහවුරු කලා.Lakeshore Boulevard West සහ Ninth Street අසල Coin Street හි නේවාසික ගොඩනැගිල්ලක පෙරවරු 9.40 ට පමණ මෙම ගින්න හටගෙන තිබුණා.
පොලිසිය පැවසුවේ එක් මහල් නිවාසයක ගින්නක් ඇති වී ඇති අතර කාර්ය මණ්ඩලය එම ස්ථානයට පැමිණීමෙන් පසු ඉක්මනින් නිවා දැමූ බවයි.එම නිවස තුළ අවම වශයෙන් එක් අයෙකු සොයා ගෙන ඇති අතර ඔවුන් කඩිනමින් රෝහල් ගත කල බව පොලිසිය පවසනවා.වෛද්‍යවරුන් පවසන්නේ ගින්නෙන් පසු රෝහල් ගත කර ඇති කාන්තාවන් දෙදෙනෙකුගෙන් එක් අයෙකු ඡිවිත අවධානමක පසුවන බවයි.
