ශ්‍රී ලංකාවේ සංචාරක ව්‍යාපාරයට නව දැක්මක් – Relive the epic of The Ramayana Trail
ශ්‍රී ලංකාවේ නව ආදායම් ඉපයීම අවස්ථා අතරේ මේ වන විට කතාබහට ලක්වෙන කෘෂිකර්මාන්තය, විදෙස් රැකියා මානව සම්පත් ආයෝජන සහ සංචාරක ව්‍යාපාරය කුමන ආකාරයෙන් නව රජය භාවිත කරයිද කියා බොහෝ දෙනකු බලාපොරොත්තුවෙන් ඉන්නා මොහොතක රටට බරක් යයි හංවඩු ගසා සිටින ශ්‍රී ලංකා ගුවන් සේවය විසින් නිර්මාණය කළ දැන්වීමක් යූ ටියුබයෙන් දුටිමි.
එය නම් කර තිබුණේ Relive the epic of The Ramayana Trail යන නමිනි . ආත්තම්මා කෙනෙක් මුණුපුරාට කියන කතාවක ආකාරයෙන් ගලා යන ඒ දැන්වීමේ ධාවන කාලය විනාඩි පහකි. රාමා සීතා සහ රාවණගේ කතා පුවත ඒ හරහා දිගහැරේ . හින්දු ආගමිකයින්ගේ මහත් ගෞරවයට පත්වූ කතාව ඇසුරින් අත්තම්මා සහ මුණුපුරා අතර වන කතාබහ ඇතුලේ අවධානය යොමු කරන්නේ අපේ සුපුරුදු වට්ටෝරුවේ තිබුණු සාම්ප්‍රදායික සංචාරක ස්ථාන ලැයිස්තුවෙන් බැහැරව ගිය සංචාරක ස්ථාන දහයකි,
ඒවා මෙසේය
1. අම්බලන්තොට – උස්සංගොඩ ජාතික උද්‍යානය
2. ඇල්ල – රාවණ ගුහාව සහ රාවණා ඇල්ල
3. පුස්සැල්ලාව – මහා රාවණගේ රථ මාවත ( chariot path)
4. හක්ගල – උද්භිද උද්‍යානය
5. නුවරඑළිය – සීතා අම්මාන් කෝවිල
6. මන්නාරම – රාමසේතු ( ආදම්ගේ පාලම )
7. ගාල්ල – රූමස්සල
8. මාතලේ – දුනුවිල විල
9. ත්‍රිකුණාමලය – තිරුකෝනේස්වරම් කෝවිල
10. කැලණිය – කැලණි විහාරය
මේ දැන්වීම ශ්‍රී ලංකන් ගුවන් සේවයට සේම රටටත් වැඩදායක දැක්මක ප්‍රථිපලයක් ලෙස සුබවාදීව දකිමි . නිර්මාණයට දායක වූ සහ එය මෙහෙයවූ කණ්ඩායම පිළිබඳ තොරතුරක් නැති වුණත් මට හිතෙන හැටියට එය කාරණා කිහිපයකින් වැදගත් වෙයි.
1. හොඳ ආදායම් තත්ත්වයක් සහිත ඉන්දියාවේ අළුත් පරම්පරාව සංචාරය වෙනුවෙන් කැමැත්තක් ඇති සහ මුදල් වියදම් කිරීමට සූදානම් පිරිසක් නිසා ඉතා විශාල ජනගණයක් සිටින ඉන්දියාව ලංකාවට හොඳ වෙළඳපොලක් වීම .
2. ඉන්දියාව සහ ශ්‍රී ලංකාව අතර ගුවන් ගමන් සඳහා ගතවන කාලය පැය 4 කට අඩු නිසා සහ ඒ වෙනුවෙන් ගෙවන්නට වන මුදල සාපේක්ෂව ඉතා අඩු එකක් නිසා පහසුවෙන් මෙය පිරිමැසුම් දායක සංචාරක ගමනාන්තයක් කල හැකිය.
3. ලංකාවේ මේ වන විට පවතින සංචාරක සේවා පහසුකම් මධ්‍යයේ සුඛෝපභෝගී සංචාරකයින් වෙනුවට පිරිමැසුම් දායක වැඩි පහසුකම් නොසොයන පිරිස් වැඩි ප්‍රමාණයක් ගෙන්වා ගැනීම ශ්‍රී ලංකන් ගුවන් සේවය වැඩි ගමන් වාර ගණනකට හොඳ පිවිසුමක් සේම ශ්‍රී ලංකාවේ සංචාරක ව්‍යාපාරය දියුණු කරන ආයතන වලට ඒ සඳහා කල් ගැනීමට හොඳ මඟකි.
4. මේ වෙළෙඳ දැන්වීමේ සඳහන් සංචාරක ස්ථාන දහයෙන් බහුතරය හම්බන්තොට සිට කෙටි දුරකින් පිහිටා තිබෙන නිසා දැනට භාවිතා නොවන හම්බන්තොට ජාත්‍යන්තර ගුවන් තොටුපළ නැවත භාවිතයට ගන්නට හොඳ පිවිසුමකි.
5. මේ දැන්වීමේ සඳහන් අවධානය ඉන්දියාවේ පිරිස් අතර ඉහළ ගියහොත් ඉන්දියාවේ පිරිමැසුම් දායක ගුවන් සේවාවන් ද ලංකාවට ගුවන් ගමන් වාර එකතු කිරීමට ඉඩ තිබේ. ඒ හරහා ගුවන්තොටුපළ සේවා සැපයීමෙන් මෙන්ම සංචාරකයින්ගෙන් ද ලංකාවට තව තවත් ආදායම් උපයන්නට පුළුවන.
6. ඉන්දීය සංචාරකයින් සමාජ මාධ්‍යය වල සේයාරූ සහ වීඩියෝ පලකිරීමට මහත් උනන්දුවක් දක්වන පිරිසක් නිසා ඔවුන් මඟින් ලංකාවේ අනිකුත් සංචාරක ස්ථාන ගැනත් නොමිලයේම ප්‍රචාරයක් ලෝකයට ගෙන යාමට පුළුවන.
එනිසා කවුරුන් කල ද මෙය පාඩු ලබන ශ්‍රී ලංකා ගුවන් සේවය දෙපයින් සිටුවීමට කරන මෙහෙයක් සේම ශ්‍රී ලංකාවේ සංචාරක ව්‍යාපාරයට ද මහත් පිටි පහලක් වේවායි සිතමි.
ඔබට මේ දිගුවෙන් ඒ දැන්වීම බලන්නට පුළුවන්
සේයාරූ – අන්තර්ජාලයෙන් Google Images
සියළු හිමිකම් මුල් හිමිකරුවන් සතුයි
සොදුරු ඇබ්බැහිය ….. චිත්‍රපට තුලින් ලෝකය දකිමු
අපි හැමෝම ජීවිතයේ සමහර දේවල් වලට ඇබ්බැහි වෙනවා. ඒක කෙනෙකුගෙන් තවත් කෙනෙකුට වෙනස් වෙනවා. අපි ජීවිතය කියවන්නෙ අපේම අත්දැකීම් වලින් විතරක්ම නෙවෙයි. ලෝකය පුරා විවිධ රටවල, විවිධ සංස්කෘතීන් තුල පොදු මිනිස් ප්‍රජාව විදින සහ විදවන දුක සැප ගැන අපට දැනගන්න ලැබෙන්නේ පොත පත හරහා කවි, ගීත, නවකථා, කෙටිකථා තුලින්. ඒ සියළු මාධ්‍ය වලදී අපි අපිම චිත්‍ර මවා ගන්නවා. ඒ වගේම ඒවා අපේ ජීවිත වලට ගලපා ගන්නවා. චිත්‍රපට, ටෙලි නාට්‍යය සහ නාට්‍යය අපට ලෝකය මවා පෙන්වනවා.
,
ඒ අතරින් චිත්‍රපට තුලින් ලෝකය බලන්නට මම කැමතියි. සැබෑව සහ මායාව එකට කැටිවුණු කල්පිත ලෝකවල විවිධ පසුතල අතරේ දක්ෂ රංගන ශිල්පීන් සහ ශිල්පිනියන් ජීවිත ප්‍රතිනිර්මාණය කරනවා. එදා මෙදා තුර විවේකයක් ලැබෙන හැම මොහොතකම චිත්‍රපටයක් බලන ඒ සුන්දර ඇබ්බැහිය පුරුදු කලේ මිතුරු අරුණ ප්‍රනාන්දු. ලංකාවේදී එදා අපි චිත්‍රපට ගන්නට ගියේ බ්‍රිතාන්‍ය කවුන්සිලයේ සහ ඇමෙරිකානු සංස්කෘතික මධ්‍යස්ථානයේ කොළබ පිහිටි ශාඛා වලට. ඒවායේ තිබු විවිධ චිත්‍රපට උළෙල, චිත්‍රපට සංස්ථාවේ විවිධ චිත්‍රපට උළෙල සහ විවිධ තානාපති කාර්යාල මගින් පැවැත්වූ උළෙල හරහා අපේ පුංචි කොදෙව්වේදී චිත්‍රපට තුලින් ලෝකය දකින්නට ඉඩ ලැබුණා.
තවත් විවිධ හේතු අතරේ මේ ශීත හිමරටට සංක්‍රමණය වන්නට චිත්‍රපට බලපෑමක් කරන්නට ඇති මට හිතෙනවා. මේ වෙනකොට ජීවිත වගකීම් අතරේ තනිකඩ ජීවිතයක තරම් විවේකයක් නැතත් ඉඩකඩ ලැබෙන විදිහට චිත්‍රපට බලන්නට සිනමා හලකට යනවා. ඒ අතරේ අන්තර්ජාලයෙන් ළග තියෙන පුස්තකාලයෙන් ලබා ගත හැකි පරිදි පිටපත් වෙන්කරවා ගන්නවා. අන්තර්ජාලය හරහා ගෙදර ඉදන්ම සමහර චිත්‍රපට බලන්නට අද දියුණු තාක්ෂණය උපයෝගී කර ගන්නවා.
මට හැගුණු, දැනුණු ජීවිතය කියවන චිත්‍රපට කිහිපයක් ගැන සටහනක් තබන්නට සිතුවේ විවේකයකදී ඔබටත් බලන්නට ඉගියක් දෙනු පිණිසයි. මේ සදහනේ පිළිවෙලක් හෝ ශ්‍රේණිගත කිරීමක් නැහැ. මට දැනුනු හැටි ගැන ඉතා කෙටි සටහනක් සහ චිත්‍රපටය ගැන විස්තර සහ ඒ ගැන අදහසක් ගන්නට Trailer එකට දිගු එක්කරන්නේ ඔබේ වැඩි විස්තර සදහා.
තුං මං හන්දිය (1970)
මහගම සේකරයන්ගේ ජීවිත කථාව ලෙසින් සැලකෙන මෙහි නිරූපිත ගම, ගැමියාගේ ගුණාංග තුලින් සිරිසේන නම් තරුණයා තම මාමාගේ ආභාෂයෙන් උකහා ගත් දෑ තුලින් දක්ෂ නිර්මාණ ශිල්පියෙකු වීමට මග පෑදුනු අයුරු විචිත්‍රණය කරනවා. අබිලින් නම් එම මාමා ලෙස ජෝ අබේවික්‍රම විශිෂ්ට රංගනයක නිරත වෙනවා. සම්මාන රැසක්ම හිමි කර ගෙන ඇති මෙය සේකර කල එකම චිත්‍රපටයද වනවා.
| Directed by | Mahagama Sekera |
| Produced by | Chitra Balasooriya |
| Written by | Mahagama Sekera |
| Starring | Joe Abeywickrema Karunarathna Ranasinghe |
| Music by | W. D. Amaradeva |
| Cinematography | Sumittha Amarasinghe |
| Edited by | Dillimuni Jayathissa |
| Release date | 1970 |
| Running time | 93 mins |
| Country | Sri Lanka |
| Language | Sinhala |
වැඩි විස්තර සදහා විකිපීඩියා යොමුව …..
https://en.wikipedia.org/wiki/Thun_Man_Handiya
චිත්‍රපටයේ ප්‍රචාරක පටය සදහා යු ටියුබ් දිගුව ….
https://youtube.com/watch?v=cBPg2dbdHyo%3Ffeature%3Dplayer_embedded
The age of Adaline (2015)
සදාකාලික තිරිහන් බව සංකල්පයක් පමණක් නොවන බව ඉදිරිපත් කරන්නට ගත උත්සාහයක් ලෙස මෙය හදුන්වන්නට පුළුවන් . දෙවන ලෝක යුධ සමයේ පටන් අඩ සියවසකට වැඩි කලක් එකම වයසක සිටි සුරූපී කාන්තාවක් ඇමෙරිකානු රහස් ඔත්තු සේවයෙන් බේරීම පිණිස තම හැදුනුම්පත් , නම , රැකියා සහ පදිංචිය වෙනස් කරමින් කරමින් කරන අපූරු ජීවන අරගලයක් මේ කතාවේ තිබෙනවා . 1937 දී මේ කථාවේ සුරූපි කත ඇඩෙලයින් හට අවුරුදු 29 දී සිදුවන හදිසි අනතුරකින් පසු අවුරුදු 107 දී නැවත හදිසි අනතුරකින් වෙනස් වන තෙක් වයසට නොයා අවුරුදු 29 වයසේම රැදී සිටින්නට හැකිවෙනවා .
| Directed by | Lee Toland Krieger |
| Produced by | Sidney Kimmel Gary Lucchesi Tom Rosenberg |
| Written by | J. Mills Goodloe Salvador Paskowitz |
| Starring | Blake Lively Michiel Huisman Kathy Baker Harrison Ford Ellen Burstyn |
| Narrated by | Hugh Ross |
| Music by | Rob Simonsen |
| Cinematography | David Lanzenberg |
| Edited by | Melissa Kent |
| Production company | Lakeshore Entertainment Sidney Kimmel Entertainment |
| Distributed by | Lionsgate |
| Release date | · April 24, 2015 (United States) |
| Running time | 113 minutes[1] |
| Country | United States |
| Language | English |
වැඩි විස්තර සදහා විකිපීඩියා යොමුව
https://en.wikipedia.org/wiki/The_Age_of_Adaline
චිත්‍රපටයේ ප්‍රචාරක පටය සදහා යු ටියුබ් දිගුව
https://youtube.com/watch?v=clbSd2JzAqc%3Ffeature%3Dplayer_embedded
Barfi! ( 2012)
ආදරයෙන් පිරුණු ශ්‍රව්‍යාබාධිත, කථන අපහසුතා ඇති තරුණයෙක් සුරූපී තරුණියක් සමග ආලයෙන් බැදෙනවා. පවුලේ බලපෑම් මත ඇයට ආදරය පසෙකලා වෙනත් අයෙක් සමග විවාහ වන්නට වෙනවා. ඒ ගමේ විශාල බුදලයක් සහිත මන්ද මානසික දැරියක් වෙසෙනවා. තම පියා රියැදුරෙකු ලෙස සේවය කරද්දී Barfi නම් ඒ තරුණයා ඇයව දැන සිටිනවා. සේවයෙන් ඉවත්වූ විගස මාරාන්තික අසනීපයකට ගොදුරු වූ පිය බේරා ගන්නට බැංකු මංකොල්ලයක් සහ මන්ද මානසික තරුණිය පැහැර ගැනීමට ඔහු උත්සාහ ගත්තත් වෙනත් පරිසක් ඇය ඒ වනවිට පැහැර ගෙන අවසන්. කෙසේ හෝ ඇය සොයා ඇය බේරා ගන්නා ඔහුට ඇයව පිටත් කරන්නට උත්සාහ ගත්තත් ඇය ඔහු වෙත ආලයෙන් බැදී ඔහු හා රැදෙනවා. ඇය සමග කල්කටාවට යන ඔහුට කලින් පෙම්වතිය මුණ ගැසෙනවා. ඔවුන් දෙදෙනා සතුටින් සිටිනු දකින මන්ද මානසික තරුණිය කල්කටාවෙන් පන යනවා. පසුව දැන ගන්නට ලැබෙන්නේ කප්පම් සදහා ඇය මරා දමා ඇති බවක්. සාක්ෂි සොයා ගත නොහැකි නිසා තරුණයා මේ සදහා පටලවන්නට පොලිස් ප්‍රධානියා කීවත් ඔහු ගැන දන්නා පොලිස් නිලධාරියා ඒ වෙනුවට ඔහුගේ පෙම්වතියට ඔහු ඈතට ගෙන යන්නට කියා රහසේ බාර දෙනවා. කලක් ගත වෙද්දී ඔහු කියන්නේ මන්ද මානසික දැරිය ජීවත්වන බවයි. පෙම්වතිය සමග ගොස් ඇය සොයාගන්නා ඔහු ඇය සමග නවතිනවා. මරණය තෙක්ම ඔවුන් දෙදෙනා ආදරයෙන් ජීවත්වන මේ කතාව රූපගත කර තිබෙන්නේ ඉන්දියාවේ මනරම් Darjeeling ප්‍රදේශයේ.
| Directed by | Anurag Basu |
| Produced by | Ronnie Screwvala Siddharth Roy Kapur |
| Screenplay by | Anurag Basu |
| Story by | Anurag Basu |
| Starring | · Ranbir Kapoor· Priyanka Chopra· Ileana D’Cruz· Ashish Vidyarthi· Jisshu Sengupta· Roopa Ganguly |
| Narrated by | Ileana D’Cruz |
| Music by | Pritam |
| Cinematography | Ravi Varman |
| Edited by | Akiv Ali |
| Production company | · Ishana Movies· UTV Motion Pictures |
| Distributed by | UTV Motion Pictures |
| Release date | · 14 September 2012 |
| Running time | 150 minutes[1] |
| Country | India |
| Language | Hindi |
වැඩි විස්තර සදහා විකිපීඩියා යොමුව
https://en.wikipedia.org/wiki/Barfi!
චිත්‍රපටයේ ප්‍රචාරක පටය සදහා යු ටියුබ් දිගුව
https://youtube.com/watch?v=nQ3FYUgSjC8%3Ffeature%3Dplayer_embedded
Caligula (1979)
ලිංගික දර්ශන සහ වැඩිහිටි තේමාවක් සහිත මේ චිත්‍රපටය ඉතිහාසයේ තවත් පැතිකඩක් විවරණය කරනවා. දේශපාලනය, බලය සහ පන්ති භේදය ජීවිත වලට එදා පටන්ම බලපෑ අන්දම මේ තුලින් කදිමට විවරණය කෙරෙනවා. තම පැවැත්ම සදහා කලිගුලා කරන විවිධ බලපුළුවන්කාරකම් රැසක එකතුවක් ලෙස සැලකෙන මෙය වැඩි පිරිසක් නිරුවත් දර්ශන වල රගපෑ චිත්‍රපටයක් ලෙසත් වාර්තාගත වෙනවා.
| Directed by | Tinto Brass (credited as Principal Photographer) Additional Scenes: Giancarlo Lui Bob Guccione |
| Produced by | Bob Guccione Franco Rossellini |
| Screenplay by | Tinto Brass Malcolm McDowell Bob Guccione (all uncredited)[2] |
| Based on | an original screenplay by Gore Vidal |
| Starring | Malcolm McDowell Teresa Ann Savoy Helen Mirren Peter O’Toole John Gielgud |
| Music by | Paul Clemente[3][4] Musical Excerpts: Aram Khachaturian Sergei Prokofiev |
| Cinematography | Silvano Ippoliti |
| Edited by | Nino Baragli The Production[5] Russell Lloyd (uncredited) |
| Production company | Penthouse Films International Felix Cinematografica |
| Distributed by | Produzioni Atlas Consorziate (P.A.C.) (Italy)[6] Analysis Film Releasing Corporation (US)[7] |
| Release date | · August 14, 1979 (Italy)[8]· February 1, 1980 (U.S.)[9] |
| Running time | 156 minutes |
| Country | Italy United States |
| Language | English Italian |
වැඩි විස්තර සදහා විකිපීඩියා යොමුව
https://en.wikipedia.org/wiki/Caligula_(film)
චිත්‍රපටයේ ප්‍රචාරක පටය සදහා යු ටියුබ් දිගුව
https://youtube.com/watch?v=pW3E8vs-MUI%3Ffeature%3Dplayer_embedded
Apu Trioloy ( 1955- 1959 )
සම්මානලාභී සත්‍යජිත් රායි ගේ විශිෂ්ට නිර්මාණ ත්‍රිත්වයක් මේ නමින් හැදින්වෙනවා . පාතර් පංචාලි, අපරාජිතෝ සහ අපුර් සංසාර් බෙංගාලි නවකථා 2 ක් ඇසුරින් කල නිර්මාණ 3 ක්. අපූ නම් මිනිසාගේ ළමා කාලයේ සිට මැදි වයස දක්වා විවිධ විපර්යාස දැක්වෙන ගම , නගරය වෙනස්වන අයුරු කියැවෙන පැරණි චිත්‍රපට පෙලක්
| Directed by | Satyajit Ray |
| Produced by | Satyajit Ray |
| Screenplay by | Satyajit Ray |
| Based on | Pather Panchali and Aparajito by Bibhutibhushan Bandopadhyay |
| Starring | Kanu Banerjee Karuna Banerjee (Pather Panchali and Aparajito) |
| Music by | Ravi Shankar |
| Cinematography | Subrata Mitra |
| Edited by | Dulal Dutta |
| Production company | Government of West Bengal |
| Distributed by | Edward Harrison (Pather Panchali) |
| Release date | · 26 August 1955 (Pather Panchali)· 11 October 1956(Aparajito)· 1 May 1959 (The World of Apu) |
| Running time | 342 minutes |
| Country | India |
| Language | Bengali |
.
වැඩි විස්තර සදහා විකිපීඩියා යොමුව
https://en.wikipedia.org/wiki/The_Apu_Trilogy
චිත්‍රපටයේ ප්‍රචාරක පටය සදහා යු ටියුබ් දිගුව
https://youtube.com/watch?v=lNiWPmXv69E%3Ffeature%3Dplayer_embedded
සේයාරූ – අන්තර්ජාලයෙන් Google Images
සියළු හිමිකම් මුල් අයිතිකරුවන් සතුයි ,
