ඔන්ටාරියෝ බලධාරීන් සිය න්‍යෂ්ටික බලශක්ති ධාරිතාව පුළුල් කිරීමට බලාපොරොත්තු වේ.පසුගියදා ප්‍රවෘත්ති සාකච්ඡාවකදී බලශක්ති අමාත්‍ය ස්ටීවන් ලෙක් Stephen Lecce පැවසුවේ ඔන්ටාරියෝ විදුලිබල උත්පාදනයේ නව පියවරක් ලෙස වෙස්ලිවිල් පෝට් හෝප් අසල Wesleyville site near Port Hope නව න්‍යෂ්ටික බලාගාරයක් සංවර්ධනය කිරීමේ හැකියාව ගවේෂණය කරන බවයි.එමගින් ඔන්ටාරියෝ විදුලිබල පද්ධතියට අපේක්ෂිත සියයට 75 ක වැඩිවීමක් සහතික කිරීමට උත්සාහ කරන බවත් ඹහු ප්‍රකාශ කරනු ලැබුවා.
ඔන්ටාරියෝ හි න්‍යෂ්ටික බලශක්ති සම්පත් පරිමාණය කිරීමේ යෝජනාව පැමිණෙන්නේ ජනාධිපති ලෙස තේරී පත් වූ ඩොනල්ඩ් ට්‍රම්ප්ගේ තීරුබදු තර්ජන මධ්‍යයේ එක්සත් ජනපද-කැනඩා වෙළඳ සබඳතා ශක්තිමත් කිරීම අරමුණු කරගත් ප්‍රිමියර් ඩග්ගේ Premier Doug නිවේදන මාලාවක් මත යි. ඔන්ටාරියෝ හි දැනට පවතින න්‍යෂ්ටික යටිතල පහසුකම් මත දේශසීමාවෙන් දකුණට වැඩි බලයක් සැපයීමට අපේක් ෂා කෙරේ.
ප්‍රවීණයන් පවසන්නේ න්‍යෂ්ටික බලශක්තිය තිරසාර බලශක්ති කර්මාන්තයේ ප්‍රධානියා බවට පත්වීමත් සමඟ ඔන්ටාරියෝ , කැනඩාව තුල පෙරමුණ ගැනීමට සූදානමින් සිටින බවයි.දැනට, කැනඩාවේ ක්‍රියාත්මක න්‍යෂ්ටික බලාගාර හතරෙන් තුනක් ඔන්ටාරියෝ හි පිහිටා ඇත .
“විශේෂයෙන්ම දත්ත මධ්‍යස්ථාන පැමිණීම සහ කෘතිම බුද්ධි වර්ධනයත් සමඟ කැනඩාවේ බලශක්ති උත්පාදනය අනාගතයේදී න්‍යෂ්ටික වැදගත් හා තීරණාත්මක කාර්යභාරයක් ඉටු කරනු ඇත,යනුවෙන්” Humber Polytechnic හි තොරතුරු හා සන්නිවේදන තාක්ෂණ සහකාර පීඨාධිපති Francis Syms , සම්මුඛ සාකච්ඡාවකදී පැවසීය.”කුඩා මොඩියුලර් ප්‍රතික්‍රියාකාරකයකට (SMR) ඔන්ටාරියෝ හි වාර්ෂිකව නිවාස 237,000කට පමණ ආධාර කිරීමට ප්‍රමාණවත් බලයක් ජනනය කළ හැකිය – එය විශාල බලයකි.”යනුවෙන් ඹහු වැඩිදුරටත් අදහස් දක්වා ඇත.
Ford හි “Fortress Am-Can” සැලැස්මෙහි කොටසක් දැනට පවතින විදුලිබල ජාලය කැනඩාව සහ එක්සත් ජනපදය බෙදාහදා ගැනීම මෙන්ම කුඩා මොඩියුලර් සහ විශාල න්‍යෂ්ටික ප්‍රතික්‍රියාකාරක සඳහා අනුමත කිරීමේ ක්‍රියාවලිය විධිමත් කිරීම ද දැකගත හැකිය.
කැනේඩියානු දේශගුණ ආයතනයේ ජ්‍යෙෂ්ඨ පර්යේෂණ අධ්‍යක්ෂ ජේසන් ඩයොන් Jason Dion, පවසන්නේ ඔන්ටාරියෝ හි විදුලි ජාලය වර්ධනය විය යුතු බවත්, එන ඉල්ලුමට සූදානම් විය යුතු බවයි. “කැනඩාව සහ එක්සත් ජනපදය තුළ, මෙම ඇදහිය නොහැකි, ආරක්ෂිත බලශක්ති උත්පාදන ජාලය ගොඩනැගීමට අවශ්‍ය සියලුම අමුද්‍රව්‍ය අප සතුව ඇත. කැනඩාවට සැපයුම ඇත. අපට ඛනිජ ඇත, අපට අවකාශය ඇත, අපට ජලය ඇත, අපට විශේෂඥ දැනුම ඇත. එක්සත් ජනපදය ඒ සියල්ලටම කුසගින්නකින් පෙලෙන බවයි.
