” පිං” වචනේ හැඩ

පාට පහක් එකතුකරලා හැදුව කොඩිය         යට

පිං කරන්න පොරකන හැටි මකර තොරණ      යට

සරු පිළිවෙත් නිසි අයුරින් හිතට ගන්න       කොට

බොරු සෝබන වැඩ මොටදැයි දැනෙනවා කදිමට

අත හරින්න බැමි බිදින්න කියන වෙහෙර        යට

පුදනකොටම පොදි බැදගත් ගොඩවල්      යමරෙට

කිසිදා වැඩ ඉවර නොකල ලොකු පන්සල        යට

බෝඩ් ලෑලි, නම් පුරවති පිං යන              වදනට

නිස්කලංක සිතක් එක්ක සැනසුනු             දවසට

හුගක් ඇත්තො කියාවි මට, පිස්සුනෙ          ඕකට

සැහැල්ලු බව පුරවාගෙන හිත ඉපිලෙන          විට

භව ගමනට විරාමයකි තරගය            නැතිකොට

රුවන් හරිස්චන්ද්‍ර 

Toronto – Canada

ගෙනෙමු මුවඟට සිනා රැල්ලක් 

දින දින ගෙවී යන මේ දිවි ගමනෙ           කෙටී

කුසලට ඉඩ දෙමින් පියවර මැනුම             වටී

අවගුණ පිරුණු රළු දුදනන් දෙපස             සිටී

පසෙකට වෙනු සොඳය ඔ​ව්’නු​න් මුණ   නොගැටී

මඟ දිග දැකි​ය​ හැක හඬනා දිළිඳු         කැලක්

කුසගිණි දරා ගනු බැරිකම දුකට             මුලක්

ගෙන එනු නොහැකි නම් මුවඟට සිනා     වැලක්

කිම පල පුදන කල බුදුනට සුවඳ             මලක්

( රවුළු ඡ්න්දස – නරඟරඟ විරිත ඇසුරෙන්)

දර්ශනි රූපසිංහ 

Hamilton – Canada

අක්කා නොගියා නම්

අප්පච්චි කියාගෙන දැවටිලා             හැඟීමක

අක්කා පිටගම ගියා හත වසරෙ මට       මතක

අලි ගහන හින්දාම කලුවරේ              මහරෑක

අලුත් ගමකට ආවා තාත්තත් අපි           එක්ක

කවුරුවත් දන්නෙ නෑ ඉන්නේ තනි        මංසලක

වහළ යට කොල්ලොමයි කවුරුවත් නැති  රැයක

අක්කාවත් හිටියා නම් කොල්ලො ටික එයි නේක

ඇවිත් විමසනවා ඇති අපේ දුක         හැමදාක

කුසල හාමුදුරුවෝ 

Brampton – Canada

තරු දෙනෙත්..

කන්පෙති අග 

සිනිදු කෙහෙරැළි

සනසන්න

රාත්‍රිය නිදි මරා

සයනයේ සැතපෙන්න

නුරා ඇස්

මට හිමිද???

තනි යහනේ 

දොඩවන්න

ඵපා තව

හින ලග

තරු ඇසින්

ඇවිදින්න

රැය පුරා

කදුඵ මත

සිසිලසක් මට දෙන්න

හිමි කමක්

නොකියමි මා

සුළග මෙන්

ලංවෙන්න

ශ්‍යාමලී ගමගේ..

Brampton – Canada